TIMES OF GADCHIROLI

गडचिरोली : -  आज आलापल्ली येथील सतीश मंगल कार्यालयात  महाविकास आघाडीच्या घटक पक्षाद्वारे आयोजित अँँड. अभिजित वंजारी यांच्या प्रचार सभेत ना.विजय वडेट्टीवार यांनी अध्यक्ष स्थानावरून म्हणाले की, गेल्या ४२ वर्षापासून भाजपचा उमेदवार नागपूर पदवीधर मतदार संघात निवडून येत आहे. भाजपचा वर्चस्व असलेल्या या मतदार संघात पदवीधरांचे प्रश्न खरेच सुटले काय ? असा प्रश्न पदवीधर मतदारांनी आता विचारणे गरजेचे आहे.  त्यासाठी येत्या १ डिसेंबरला होणाऱ्या नागपूर  पदवीधर मतदार संघाच्या निवडणुकीत परिवर्तन घडवून आणण्यासाठी भारतीय राष्ट्रीय काँग्रेस, राष्ट्रवादी काँग्रेस, शिवसेना, आदिवासी विद्यार्थी संघटना, पिरिपा (कवाडे गट), रिपाई (गवई गट) आणि सर्व मित्र पक्षांच्या वतीने महाविकास आघाडीचे शिक्षण क्षेत्रातील जाण असलेले अँँड. अभिजित गोविंदराव वंजारी तरुण चेहरा नागपूर विभागीय पदवीधर मतदार संघाच्या महाराष्ट्र विधान परिषद निवडणुकीसाठी उमेदवार म्हणून दिला आहे. पदवीधरांच्या समस्या सोडविण्यासाठी महाविकास आघाडीने दिलेल्या बहुजन चेहऱ्यास विधान परिषदेत पाठविण्याचे आवाहन राज्याचे मदत व पुनर्वसन म...

श्रीनिवास बोमनवार-तालुका प्रतिनिधि अहेरी अहेरी : -  क्रांतिसूर्य महात्मा ज्योतिबा फुले यांनी रंजल्या गंजल्या समाजासाठी आणि मुख्यतः स्त्रियांच्या उन्नतीसाठी सर्वस्वी अर्पण केले असून क्रांतिसूर्य महात्मा ज्योतिबा फुले यांचे विचार प्रत्येकांनी आत्मसाद करावे असे प्रतिपादन जि.प माजी अध्यक्ष भाग्यश्रीताई आत्राम यांनी केले. अहेरी नजीकच्या नागेपल्ली येथे शनिवार 28 नोव्हेंबर रोजी क्रांतिसूर्य महात्मा ज्योतिबा फुले यांच्या पुण्यतिथी निमित्य आपले विचार प्रकट करतांना बोलत होते.  पुढे जि.प माजी अध्यक्ष भाग्यश्रीताई आत्राम यांनी म्हणाले की फुले होते म्हणून मुली घडले. त्यांच्या व क्रांतीज्योती सावित्रीबाई फुले यांच्या शिकवणूक व प्रेरणेने महिला उत्तुंग व अक्षरशः आकाशात भरारी घेत आहेत. तसेच शेतकरी, कष्टकरी यांच्या हितासाठी फुले दांम्पत्य सर्वस्वी अर्पण केले असून या थोर महापुरुषांचे विचार आत्मसाद करून त्या दिशेने वाटचाल करावे असे मोलाचे मार्गदर्शन यावेळी भाग्यश्रीताई आत्राम यांनी केले.  तत्पूर्वी माजी जि.प अध्यक्ष भाग्यश्रीताई आत्राम यांनी, क्रांतिसूर्य महात्मा ज्यो...

श्रीनिवास बोमनवार-तालुका प्रतिनिधी अहेरी अहेरी : - खमनचेरु हा ७ किमी रस्ताची मुख्यमंत्री ग्राम सडक योजनेतून ५ कोटींच्या कामाची निविदा प्रक्रिया पूर्ण होऊन, माजी पालकमंत्री राजे अम्ब्रिशराव आत्राम यांच्या हस्ते भूमिपूजन होऊनही गेल्या १ वर्षांपासून सदर रस्ताच्या कामाला प्रत्यक्ष सुरुवात न झाल्याने ह्या रस्ताची प्रचंड दुरावस्था झाली होती. याचा नागरिकांना प्रचंड त्रास सहन करावा लागत होता. अनेकांनी याबाबत तक्रार सुद्धा केल्या.  तसेच भाजपा युवा मोर्चा जिल्हा महामंत्री अमोल गुडेल्लीवार यांनी सुध्दा मागील काही दिवसांपूर्वी श्री ओंकार ओतारी तहसीलदार,अहेरी यांना निवेदन देऊन या प्रलंबित रस्ताच्या कामाला तत्काळ सुरुवात करावे, अन्यथा भाजपा युवा मोर्चा तर्फे चक्काजाम आंदोलन करण्याचा इशारा दिला होता. सोबतच सोशल मीडियावर सातत्याने या विषयांवर सरकार आणि प्रशासनाचे लक्ष वेधले होते.  तब्बल १ वर्षानंतर संबंधित यंत्रणा जागी झाली असून, सदर रस्ताच्या दुरुस्तीच्या कामाला काल पासून सुरुवात करण्यात आले. सद्या सदर रस्तावरील खड्डे बुजविण्याचे काम सुरू आहे. तसेच नगराळे कन्ट्रक्शन कंपनी, ...

अहेरी  : - तालुक्यातील आलापल्ली येथील नंदनी खांंडरे   हिचे तब्येत ठिक नसल्याने दत्तामेघे दवाखाना, सावंगी येते भरती असून उपचार सुरू आहे. मात्र घरची परिस्थिती हलाकीचे असल्याने सावंगी येते येण्या -जाण्यास आर्थिक अडचण होत होते. सावंगी जाण्यास पैसे नसल्याने आज सदर मुलीची आई अर्चना संतोष खांंडरे यांनी मदत मागितले होते. तेव्हा जिल्हा परिषदेचे अध्यक्ष श्री अजयभाऊ कंकडालवार यांच्या कडून आर्थिक मदत देण्यात आली. यावेळी अहेरी पंचायत समितीचे सभापती श्री.भास्कर तलांडे, जिल्हा परिषद सदस्य श्री.अजय नैताम, आलापली ग्रा.प. माजी सदस्य, सलीम शेख, वसंत आलाम, आविसचे शहर अध्यक्ष श्री.प्रशांत गोडसेलवार, राकेश सड़मेक, प्रकाश दुर्गे आदि उपस्थित होते.

श्रीनिवास बोमनवार - तालुका प्रतिनिधी अहेरी अहेरी  : - आलापल्ली ग्रामपंचायत पासुन ते चंद्रपूर-नागेपल्ली रोड पर्यंत रस्त्याच्या दोन्ही बाजूंनी चार चाकी वाहने उभे राहत असल्याने हा रस्ता वाहनतळच बनल्याचे दिसून येत आहे. आलापल्ली हा शहर अहेरी तालुक्यातील मध्य भाग पडते तर आलापल्ली या मार्गावरून चार तालुक्यातील लालपरिसह (एसटी)  खासगी ट्रॅव्हल्स चारचाकी व दुचाकी वाहनांचे ये-जा सुरू असते.  विशेषत: सकाळी ९ तेे सायंकाळी ५ वाजे पर्यंत या मार्गावरून ये-जा करणे म्हणजे तारेवरची कसरत करावी लागते. या ठिकाणी वाहतूक कोंडी निर्माण होते. सतत रहदारीचा मार्ग असल्यामुळे नागरिकांना वाहतुकीच्या नाहक त्रास सहन करावा लागत आहे. यामध्ये अधिक भर म्हणून की काय, रस्त्याच्या दोन्ही बाजूंना चार चाकी वाहने उभ्या ठेवले जात आहेत. परिमाणे, वाहतूक कोंडीने विस्तृत धारण केले आहे.  आलापल्ली बस्तानका जवळ ग्रामपंचायत कार्यालय असल्यामुळे  कार्यालय समोर विविध ग्रामीण क्षेत्रात जाणारे वाहनांची रांगी लागून असते. त्यामुळे कार्यालय कामासाठी ये-जा करणारे नागरिकांना दोन्ही बाजूने उभे असलेले वाहनांना पार...

मुंबई : - दि. 27 : राज्य शासकीय सेवेतील गट-अ, गट-ब आणि गट- क मधील ज्या कार्यरत/सेवानिवृत्त अधिकारी-कर्मचाऱ्यांनी विहित मुदतीत संगणक अर्हता प्रमाणपत्र सादर केलेले नाही, अशा अधिकारी/कर्मचाऱ्यांची वेतनवाढ न रोखल्यामुळे त्यांना अतिप्रदान करण्यात आलेल्या रकमेच्या वसुलीबाबत दिनांक 26 नोव्हेंबर 2020 रोजी शासन निर्णय निर्गमित करण्यात आला होता. या शासन आदेशास स्थगिती देण्यात आली आहे, असे सामान्य प्रशासन (माहिती तंत्रज्ञान) विभागाने आज दि. 27 नोव्हेंबर 2020 रोजी जारी केलेल्या शासन निर्णयात म्हटले आहे.

मुंबई : -  दि. 27 : राज्यामध्ये बोगस प्रमाणपत्राच्या आधारे खेळाडू दाखवून शासकीय सेवेचा लाभ घेतल्याचे प्रकार उघडकीस आले आहेत. असे प्रकार भविष्यात होणार नाहीत यासाठी नवीन नियमावली आणणार असल्याचे, क्रीडा व युवक कल्याण मंत्री सुनील केदार यांनी सांगितले. राज्यातील क्रीडा विभागाचा विभागनिहाय आढावा बैठकीचे मंत्रालयात आयोजन करण्यात आले, त्यावेळी ते बोलत होते. यावेळी क्रीडा राज्यमंत्री कु.अदिती तटकरे, क्रीडा विभागाचे आयुक्त ओम प्रकाश बकोरिया यांच्या सह क्रीडा विभागाचे वरिष्ठ अधिकारी बैठकीस उपस्थिती होते. श्री. केदार म्हणाले, राज्यात यापुढे बोगस प्रमाणपत्र देण्याचे कोणाचे धाडस होणार नाही. कोणी मागण्याची हिम्मतही करणार नाही, अशी नियमावली तयार करण्यात येणार आहे. नोकरीत प्रमाणपत्राचा लाभ घेताना प्रमाणपत्र पडताळणी करण्यासाठी प्रभावी उपाययोजना करण्यात येणार आहे. राज्यात उभारण्यात येणाऱ्या क्रीडा संकुलासाठी जो निधी वितरीत करण्यात आला. त्याची कामे तातडीने सुरु करावीत. जागेचा प्रश्न निर्माण झाला तर संबंधित विभागाशी संपर्क करून त्यातून मार्ग काढण्यासाठी प्रयत्न करावेत. यापुढे निधी वितर...

गडचिरोली : - दि.27: सामाजिक न्याय विभागांतर्गत अनु.जाती, विमुक्त जाती-भटक्या जमाती, इतर मागसवर्ग व विशेष मागासप्रवर्गाच्या अर्जदारांना शैक्षणिक प्रयोजनार्थ- 12 वी विज्ञान, व्यावसायिक अभ्यासक्रम 2) सेवा प्रयोजनार्थ - आरक्षितप्रवर्गातून नियुक्ती/पदोन्नती 3) निवडणूक प्रयोजनार्थ - आरक्षित प्रवर्गातून स्थानिक स्वराज्य संस्थेतंर्गत उमेदवारीसाठी अर्ज व 4) अन्य प्रयोजनार्थ - आरक्षित प्रवर्गातून सदनिका, गाळे वाटप, पेट्रोल पम्प, जात वैधताप्रमाणपत्र लागू केलेल्या वैयक्तिक लाभाच्या योजनांतर्गत लाभासाठी बार्टी, पुणे याचेhttps://bartievalidity.maharashtra.gov.in या संकेतळावर ऑगस्ट 2020 पासून नवीन ऑनलाईन अर्ज भरणे व मूळ कागदपत्रे - पुरावे अपलोड करणे आवश्यक केलेले आहे. आता निवडणूक व अन्य प्रयोजनार्थसहसर्वच प्रयोजनाकरीता ऑनलाईन अर्ज भरणे आवश्यक केलेले आहे.               पूर्वीचा ऑनलाईन अर्जाचा नमुना व सद्याचा ऑनलाईन अर्जाचा नमुन्यातील माहिती यामध्ये फार बदल नाहीत. नवीन ऑनलाईन अर्जामध्ये पासपोर्ट फोटो, अर्जदार व पालकाची स्वाक्षरी तसेच मूळ जात प्रमाणपत्र (प्लेन),द...

गडचिरोली : - दि.27: आज जिल्हयात 67 नवीन बाधित आढळून आले. तर आज 79 जणांनी कोरोनावर मात केल्याने त्यांना रूग्णालयातून घरी सोडण्यात आले. यामुळे जिल्हयातील आत्तापर्यंत बाधित 7812 पैकी कोरोनामुक्त झालेली संख्या 6968 वर पोहचली. तसेच सद्या 766 सक्रिय कोरोना बाधितांवर उपचार सुरू आहेत. आत्तापर्यंत जिल्हयात एकुण 78 जणांचा मृत्यू कोरोनामुळे झाल्याची नोंद आहे. जिल्हयातील कोरोना रूग्ण बरे होण्याचे प्रमाण 89.20 टक्के, सक्रिय रूग्णांचे प्रमाण 9.81 टक्के तर मृत्यू दर 1.00 टक्के झाला. नवीन 67 बाधितांमध्ये गडचिरोली 48, अहेरी 2, आरमोरी 0, भामरागड 3, चामोर्शी 4, धानोरा 3, एटापल्ली 0, कोरची 0, कुरखेडा 3, मुलचेरा 1, सिरोंचा 0  व वडसा येथील 3 जणांचा समावेश आहे.  आज कोरोनामुक्त झालेल्या 79 रूग्णांमध्ये गडचिरोली 46, अहेरी 20, आरमोरी 0, भामरागड 4, चामोर्शी 4, धानोरा 0, एटापल्ली 4, मुलचेरा 0, सिरोंचा 1, कोरची 0,  कुरखेडा 0 व वडसा मधील 0 जणाचा समावेश आहे. नवीन बाधितामध्ये गडचिरोली तालुक्यातील नवेगाव 1, सोनापुर कॉम्पलेक्स 2, कॅम्प एरिया 4, रामनगर 1, गोकुलनगर 3, कारमेर स्कुलच्या मागे 3, प...

गडचिरोली : - दि.27: डॉ. बाबासाहेब आंबेडकर संशोधन व प्रशिक्षण संस्था (बार्टी), पुणे मार्फत महाराष्ट्र राज्यातील अनुसूचित जातीच्या विद्यार्थ्यांकरीता स्पर्धा परीक्षेच्या पूर्व तयारी व प्रशिक्षणाकरीता (UPSC) दर वर्षी मार्गदर्शन व आर्थिक सहाय्य देण्यात येते. संघ लोकसेवा आयोगातर्फे नागरी सेवा पूर्व परीक्षा-2020, दि.04 ऑक्टोबर 2020 रोजी घेण्यात आली. व परीक्षेचा निकाल दिनांक 23 ऑक्टोबर 2020 रोजी संघ लोकसेवा आयोगाच्या संकेतस्थळावर घोषित करण्यात आला आहे.        या वर्षी सन 2020 मध्ये अनुसूचित जातीचे जे विद्यार्थी संघ लोकसेवा आयोग नागरी सेवा पूर्व परीक्षा 2020 उत्तीर्ण झाले आहेत व बार्टीचे पात्रतेचे निकष पूर्ण करणाऱ्या विद्यार्थ्यांना मुख्य परीक्षेकरिता एकावेळी एकरकमी रक्कम रुपये 50,000/- आर्थिक सहाय्य देण्यात येणार आहे.    बार्टी मार्फत मुख्य परीक्षेकरिता देण्यात येणाऱ्या आर्थिक सहाय्यासाठी जे विद्यार्थी पात्र आहेत त्यांनी बार्टीच्या संकेतकस्थळावर भेट देऊन पात्रतेचे स्वरुप तपासून, अर्ज डाऊनलोड करुन व अर्जासोबत आवश्यक कागदपत्रे जोडून बार्टीच्या अर्जामध्ये असलेल्या ई...

संविधान दिवसाच्या सर्व भारतीयांना हार्दिक शुभेच्छा! ग्रामीण प्रतिनिधी झिमेला    अहेरी/नागेपल्ली : - महामानव भारतरत्न डॉ. बाबासाहेब आंबेडकरांनी निर्माण केलेल्या संविधानाला आजच्या दिवशी मान्यता प्राप्त झाली. त्यामुळे हा दिवस 'संविधान' दिवस म्हणून देशात साजरा केला जातो. देशात स्वातंत्र्य, समता, न्याय आणि बंधुता टिकून राहावी यासाठी हा दिवस साजरा केल्या जातो. भारतीय संविधान दिवसाच्या निमित्याने आज भारतीय राज्य घटनेचे शिल्पकार महामानव परमपूज्य डॉ. बाबासाहेब आंबेडकर यांच्या प्रतिमेस पुष्पहार अर्पण करून अभिवादन केले व 'संविधान' वाचन करुन सर्वांनी संविधान शपत घेतले. यावेळी ग्राम पंचायत नागेपल्लीचे ग्राम विकास अधिकारी एल.के. पाल, सामाजिक कार्यकर्ते किशोर दुर्गे, प्रकाश मोहूर्ले, ग्राम पंचायत कर्मचारी नामदेव वाघाडे, सुरेश येलमुले, अशोक कोडापे, अरुणा गुरनुले, मनोज भोयर, दिपक चौधरी आदी नागरिक उपस्थित होते.

गडचिरोली : - दि.26: 1 जानेवारी ,2021 या अर्हता दिनांकावर आधारीत जिल्हातील सर्व विधानसभा मतदार संघाच्या मतदार यादिचा विशेष संक्षिप्त पुनरीक्षन कार्यक्रम जाहीर केला आहे. या कार्यक्रमांतर्गत दि. 17 नोव्हेंबर, 2020 रोजी प्रारूप मतदार यादी प्रसिद्ध करण्यात आली असुन या कार्यक्रमाअंतर्गत दि. 15 डिसेंबर, 2020 पर्यंत दावे व हरकती स्विकारण्यात येणार आहेत. या कालावधीत मतदार नोंदणी संबंधाने विशेष मोहीमा राबविण्याचे आयोगाचे निर्देश आहेत. या अनुषंगाने दावे व हरकती स्विकारण्याच्या कालावधीत पुढिल दिवशी (2 शनिवार आणि 2  रविवार) विशेष मोहिमांचा आयोजन करण्यात आले आहे. दावे व हरकती स्विकारण्याचा कालावधी दि. 15 डिसेंबर, 2020 (मंगळवार) पर्यंत तर विशेष मोहिमांचा कालावधी दि. 05 डिसेंबर, 2020 (शनिवार) व दि. 06 डिसेंबर, 2020, दि.12 डिसेंबर, 2020 (शनिवार)  व दि.13 डिसेंबर, 2020  दावे व हरकती जाहिर करणे • मतदार नोंदणी नियम,1960 नियम  16 नुसार प्रत्येक मतदार नोंदणी अधिकारी हे नमुना 9,10,11 आणि 11 अ मध्ये प्राप्त दावे व हरकतींची यादी तयार करतील आणि अशा याद्यांची एक प्रत त्यांच्या कार...

गडचिरोली : - दि.26: आज जिल्हयात 65 नवीन बाधित आढळून आले. तर आज 54 जणांनी कोरोनावर मात केल्याने त्यांना रूग्णालयातून घरी सोडण्यात आले. यामुळे जिल्हयातील आत्तापर्यंत बाधित 7745 पैकी कोरोनामुक्त झालेली संख्या 6889 वर पोहचली. तसेच सद्या 778 सक्रिय कोरोना बाधितांवर उपचार सुरू आहेत. आत्तापर्यंत जिल्हयात एकुण 78 जणांचा मृत्यू कोरोनामुळे झाल्याची नोंद आहे. जिल्हयातील कोरोना रूग्ण बरे होण्याचे प्रमाण 88.95 टक्के, सक्रिय रूग्णांचे प्रमाण 10.05 टक्के तर मृत्यू दर 1.01 टक्के झाला. नवीन 65 बाधितांमध्ये गडचिरोली 37, अहेरी 9, आरमोरी 3, भामरागड 4, चामोर्शी 6, धानोरा 2, एटापल्ली 0, कोरची 0, कुरखेडा 2, मुलचेरा 0, सिरोंचा 0  व वडसा येथील 2 जणांचा समावेश आहे.  आज कोरोनामुक्त झालेल्या 54 रूग्णांमध्ये गडचिरोली 19, अहेरी 20, आरमोरी 2, भामरागड 2, चामोर्शी 3, धानोरा 3, एटापल्ली 0, मुलचेरा 1, सिरोंचा 1, कोरची 0,  कुरखेडा 0 व वडसा मधील 3 जणाचा समावेश आहे. नवीन बाधितामध्ये गडचिरोली तालुक्यातील अडपल्ली 1, स्थानिक 3, येवली 2, बसेरा कॉलनी 1, मेडिकल कॉलनी 1, बहादुरवर 1, कन्नमवार वार्ड 1, गो...

गडचिरोली : - दि.26: माहे एप्रिल, 2020 ते जून, 2020 या कालावधीत मुदत संपलेल्या व नव्याने स्थापित झालेल्या तसेच  माहे जुलै, 2020 ते डिसेंबर, 2020 या कालावधीत मुदत संपलेल्या तसेच  नव्याने स्थापित   अशा एकूण 362 ग्रामपंचायतीच्या सार्वत्रिक निवडणूकांसाठी भारत निवडणूक आयोगाने दिनांक 25 सप्टेंबर, 2020 रोजी प्रसिद्ध करण्यात आलेली महाराष्ट्र विधानसभेची मतदार यादी वापरण्यात येणार आहे. त्याकरीता मतदार यादीचा  प्रभागनिहाय विभाजन  करण्याचा कार्यक्रम जाहिर केला आहे. यामध्ये मतदार यादी ग्राह्य धरण्याचा दिनां‍क 25/09/2020 असा आहे. प्रभागनिहाय प्रारूप मतदार यादी  प्रसिद्ध करण्याचा दिनांक मंगळवार, दि. 01/12/2020 आहे. हरकती व सुचना दाखल करण्याचा कालावधी मंगळवार दि. 01/12/2020 व सोमवार दि. 07/12/2020 आहे. प्रभागनिहाय अंतिम मतदार यादी प्रसिद्ध करणे गुरूवार दि. 10/12/2020 असणार आहे. एकुण ग्रामपंचायत संख्या 457 पैकी एकुण निवडणूक होणाऱ्या ग्रामपंचायती 362 आहेत.

अहेरी  : -  गडचिरोली जिल्हा परिषदेचे अध्यक्ष श्री अजयभाऊ कंकडालवार यांनी अहेरीचे तहसीलदार श्री ओंकार ओतारी यांच्याशी अहेरी तालुक्यातील विविध समस्यावार चर्चा करण्यात आले.           प्रामुख्याने प्राणहिता नदीकाठी वसलेले देवलमरी येतील कोळी बांधव गेल्या अनेक वर्षापासून प्राणहिता नदीत मच्छिमार करत आहेत. मात्र यावर्षी सदर नदीत तेलंगाणा राज्यातील तलाई गावातील कोळी बांधव जाळे टाकत आहेत व देवलमरी येतील मच्छिमार बांधवांचा विरोध करत हाकलत असल्याने त्यांना त्रास सहन करावा लागत आहे.       त्यामुळे आज देवलमरी येतील कोळी बांधव जिल्हा परिषदेचे अध्यक्ष श्री अजयभाऊ कंकडालवार यांची भेट घेवुन समस्या सांगितले असता जिल्हा परिषद अध्यक्षांनी सदर नागरिकांना सोबत घेवुन तहसील कार्यालय गाठून अहेरीचे तहसीलदार श्री ओतारी साहेब यांच्याशी चर्चा केली. तेव्हा सदर प्रकरणाचे लवकरात लवकर तोडगा काढण्यात येईल असे आश्वासन तहसिलदार यांनी दिले. त्यानंतर अनेक महिन्या पासून रखळलेल्या रेतीघाट, कुटुंब अर्थसहाय्य व श्रावणबाळ अनुदाना बाबत सुध्दा चर्चा करण्यात आले.   ...

गडचिरोली : - दि.26: गडचिरोली जिल्हाधिकारी कार्यालयात संविधान दिनानिमित्त डॉ. बाबासाहेब आंबेडकर यांच्या प्रतिमेचे पूजन करून संविधान दिन साजरा करण्यात आला. यावेळी अप्पर जिल्हाधिकारी अनंत वालस्कर यांनी उपस्थितांना संविधानाच्या उद्देशिकेचे वाचन करून घेतले.  यामध्ये निवासी उपजिल्हाधिकारी धनाजी पाटील, जिल्हा सूचना अधिकारी एस.आर.टेंभूर्णे, नायब तहसिलदार सुनिल चडगुलवार, नायब तहसिलदार किशोर भांडारकर, श्री.चहांदे, श्री.सोरते, श्री.मेश्राम उपस्थित होते. यावेळी जिल्हाधिकारी कार्यालयातील अधिकारी व कर्मचारी उपस्थित होते.

गडचिरोली/भामरागड : - मौ गोपणार येथील संपूर्ण ग्रामस्थांनी उप पोस्टे लाहेरीला भेट दिली. यावेळी गावातील स्त्री-पुरुष अबालवृद्ध सर्वांनी उपस्थीती दर्शवली. पोलिस अधीक्षक अंकित गोयल यांचे संकल्पनेतून सुरू करण्यात आलेली यंदाची दिवाळी आदिवासी बांधवांसोबत या अभिनव उपक्रमाचा प्रत्यय पुन्हा एकदा लाहेरी पोलीस स्टेशनला दिसून आला.  अप्पर पोलीस अधीक्षक सोमय मुंढे, व उपविभागीय पोलीस अधिकारी कुणाल सोनवणे यांचे मार्गदर्शनाखाली उप पोलीस स्टेशन लाहेरी येथे मौ गोपणार येथील ग्रामस्थांसोबत दिवाळी साजरी करण्यात आली. यावेळी उपस्थितांची बैठक आयोजित करण्यात आली. प्रभारी अधिकारी पोलीस उपनिरीक्षक अविनाश नळेगावकर यांनी सर्वाना दिवाळीच्या शुभेच्छा तर दिल्याच परंतु विविध शासकीय योजनांची माहिती देऊन जास्तीत जास्त पात्र लाभार्थ्यांनी योजनेचा लाभ घेण्याचे आवाहन केले.  उपस्थितांना शालेय साहित्य, जीवनावश्यक वस्तू वाटप करून दिवाळी फराळाचा कार्यक्रम पार पाडला. कार्यक्रमाचे यशस्वीतेसाठी पोहवा तुकाराम हिचामी, शालू नामेवार, अरुण टेकाम, पो ना फिरोज गाठले, वर्षा डांगे, गाव दत्तक अंमलदार पो शी रत्नमाला जुमन...

मुंबई : - दि. 25 : ज्‍येष्‍ठ नेते व अखिल भारतीय काँग्रेस कमिटीचे कोषाध्यक्ष खासदार अहमद पटेल यांच्या निधनाचे वृत्त अत्यंत वेदनादायी आहे. त्यांच्या निधनाने एक अभ्यासू, जाणकार आणि उत्तम संघटनात्मक कौशल्य असलेले समर्पित नेतृत्व काळाच्या पडद्याआड गेले आहे, अशा शब्दांत सार्वजनिक बांधकाम मंत्री अशोक चव्हाण यांनी शोक व्यक्त केला आहे.      आपल्या शोक संदेशात श्री. चव्हाण म्हणाले की, खासदार अहमद पटेल हे राष्ट्रीय राजकारणातील अत्यंत प्रभावशाली नेते होते. एक मुत्सद्दी राजकारणी आणि पेचप्रसंगांमध्ये कौशल्याने तोडगा काढणारे नेते म्हणून परिचित होते. देशाच्या कानाकोपऱ्यातील राजकारण आणि काँग्रेसच्या संघटनेचा त्यांचा दांडगा अभ्यास होता. आयुष्यभर त्यांनी काँग्रेस पक्षाची सेवा केली. मात्र कधीही वैयक्तिक महत्त्वाकांक्षा बाळगली नाही. नेहमी व्यापक पक्षहित डोळ्यासमोर ठेवून काम केले.   मागील अनेक वर्षांपासून मी खा. अहमद पटेल यांच्याशी संपर्कात होतो. विविध कामानिमित्त त्यांच्या भेटीगाठी व विस्तृत चर्चा होत असत. आपल्या जबाबदारी विषयी त्यांची कटिबद्धता विलक्षण होती. साधेपणा, संयम...

मुंबई : - दि. 25 : काँग्रेस पक्षाचे ज्येष्ठ नेते खासदार अहमद पटेल यांच्या निधनाचे वृत्त अत्यंत दुःखद असून काँग्रेस पक्षाने समर्पित, अनुभवी, निष्ठावंत, कुशल संघटक आणि रणनितीकार नेते गमावले आहेत, अशा शब्दांत आपल्या शोकभावना महसूलमंत्री बाळासाहेब थोरात यांनी व्यक्त केल्या आहेत.   खासदार अहमद पटेल यांच्या निधनाबद्दल दुःख व्यक्त करून श्री. थोरात म्हणाले की, वयाच्या 26 व्या वर्षी अहमद पटेल यांनी आपल्या राजकीय कारकिर्दीला सुरुवात केली. राजकीय पेचप्रसंगावेळी कौशल्याने तोडगा काढणारे उत्तम रणनितीकार म्हणून त्यांची ओळख होती. ते तीन वेळा लोकसभा सदस्य व पाच वेळा राज्यसभेचे सदस्य म्हणून निवडून गेले. अनेकवेळा मंत्रीपदाची संधी असताना त्यांनी ती न स्वीकारता निरपेक्ष भावनेने पक्ष संघटनेत काम केले. काँग्रेस अध्यक्षा सोनिया गांधी यांचे राजकीय सल्लागार, माजी पंतप्रधान राजीव गांधी यांचे संसदीय सचिव, अखिल भारतीय काँग्रेस कमिटीचे महासचिव, काँग्रेस कार्यसमितीचे सदस्य, अखिल भारतीय काँग्रेस कमिटीचे कोषाध्यक्ष अशा विविध पदांवर कार्यरत असताना त्यांनी काँग्रेस पक्ष संघटना मजबूतीसाठी मोठे योगदान दि...

मुंबई : - दि. 25 : मुंबई शहर व राज्यातील धर्मादाय रूग्णालयांमध्ये 10 टक्के गरिब रूग्णांना मोफत उपचारावरील नियमांचे पालन करून उपचार द्यावेत असे निर्देश ग्रामविकास मंत्री हसन मुश्रीफ यांनी दिले. कोरोना महामारिच्या कार्यकाळात ग्रामीण भागातील रूग्ण शहरात उपचारासाठी आले नाहीत. मात्र, आता रूग्ण उपचारासाठी येण्याचा ओघ वाढू शकतो यासाठी धर्मादाय रूग्णालयांनी सहकार्य करून, गरिब रूग्णांची सेवा करावी अशा सुचना विधी व न्याय विभाग राज्यमंत्री आदिती तटकरे यांनी यावेळी दिल्या. राज्यातील धर्मादाय रूग्णालयांमध्ये शासकीय नियमाप्रमाणे 10 टक्के गरिब रूग्णांना मोफत उपचार देण्याच्या नियमांचे पालन करण्यासाठी मंत्रालयात बैठकीचे आयोजन करण्यात आले होते. यावेळी ग्रामविकास मंत्री हसन मुश्रीफ, विधी व न्याय राज्यमंत्री आदिती तटकरे, विधी व न्याय विभागाचे प्रधान सचिव व विधी परामर्शी आर.एन. लढ्ढा, धर्मादाय आयुक्त आर.एन.जोशी, महात्मा फुले जनआरोग्य योजनेचे मुख्य कार्यकारी अधिकारी सुधाकर शिंदे, विधी व न्याय विभागाचे सहसचिव नितीन जिवणे आदीसह अधिकारी आणि विविध धर्मादाय रूग्णालयांचे पदाधिकारी उपस्थित होते. राज...

मुंबई : -  दि. २५ : ज्येष्ठ अनुभवी नेते अहमद पटेल यांच्या निधनाने काँग्रेसने 'चाणक्य' गमावला आहे. राज्यात महाविकास आघाडी स्थापन करण्यात अहमद पटेल यांची देखील मोठी भूमिका होती.    अहमद पटेल हे काँग्रेस पक्षाचे चाणक्य समजले जात. पक्षाला प्रत्येक प्रसंगात त्यांचा आधार होता. केवळ राजकीय आघाडीवरच ते सक्रीय होते असे नव्हे तर अनेक सामाजिक कार्यांशी त्यांचा जवळून संबंध होता. राज्यात महाविकास आघाडीचे सरकार सत्तेवर येताना अहमद पटेल यांच्या मार्गदर्शनाचा आणि अनुभवाचा आम्हाला खूप उपयोग झाला, असेही मुख्यमंत्री म्हणतात.   त्यांच्या निधनाने काँग्रेस तसेच महाविकास आघाडीने देखील आपला मार्गदर्शक गमावला आहे अशा शब्दांत मुख्यमंत्र्यांनी श्रद्धांजली वाहिली आहे.

गडचिरोली : - दि.25: जिल्हयात कोविड-19 विषाणूची साथ वेगाने वाढत असून, साथरोग प्रतिबंधक कायदा 1897 व  आपत्ती व्यवस्थापन अधिनियम 2005 अंतर्गत प्रतिबंधात्मक उपाययोजना सर्व संबंधित विभागामार्फतीने उक्त संदर्भ पत्रातील निर्देशाप्रमाणे सुरु आहे. अशा परिस्थितीत मिरवणूक तथा रॅलीचे आयोजन करण्यास परवानगी देणे शक्य नाही.  संविधान दिनानिमित्त गडचिरोली जिल्ह्यात दि. २६ नोव्हेंबर रोजी कोणत्याही रॅली/मिरवणूक इत्यादीची परवानगी नाकारण्यात येत आहे. असे प्रशासनाच्यावतीने कळविण्यात आले आहे.

गडचिरोली : - दि.25:  नागपूर विभाग पदविधर मतदारसंघाच्या गडचिरोली जिल्ह्यासाठी भारत निवडणूक आयोगाने मतदानाच्या वेळेत गडचिरोली जिल्ह्याकरीता बदल केलेला असून तो मतदानाच्या दिवशी, दि. 01 डिसेंबर 2020 रोजी सकाळी 7.00 ते दुपारी 3.00 वाजेपर्यंत असणार आहे. तसेच मतदान कसे करावे हे पुढील प्रमाणे कळविण्यात आले आहे. केवळ आणि केवळ मतपत्रिकेसोबत पुरविण्यात आलेल्या जांभळ्या शाईच्या स्केच पेननेच मत नोंदविणे अनिवार्य आहे. इतर कोणत्याही शाई, पेन, पेन्सिल, बॉल पेनचा वापर करण्यास प्रतिबंध आहे. तुमच्या पहिल्या पसंतीच्या उमेदवाराच्या नावासमोर मतपत्रिकेच्या शेवटच्या पसंतीक्रम' या स्तंभात इंग्रजी किंवा मराठी किंवा रोमन भाषेत १ हा अंक लिहून मत नोंदवावे. या १ ला अवतरण चिन्ह/कंस इत्यादी करू नये. निवडून द्यावयाच्या उमेदवारांची संख्या विचारात न घेता मतपत्रिकेवर जितके उमेदवार आहेत, तितके पसंतीक्रम आपण मतपत्रिकेवर अंकात नोंदवू शकता. आपले पुढील पसंतीक्रम उर्वरित उमेदवारांसमोरील 'पसंतीक्रम' या स्तंभात २,३,४ इत्यादी प्रमाणे आपल्या पसंतीप्रमाणे अंकात नोंदवू शकता. एका उमेदवाराच्या नावासमोरील स्तंभ...

गडचिरोली : - दि.25:   डॉ. बाबासाहेब आंबेडकर यांचा महापरिनिर्वाण दिन कोविड-19 च्या पार्श्वभूमीवर अत्यंत काळजीपुर्वक साजरा करणेबाबत मार्गदर्शक तत्वे प्राप्त झालेले आहे. मार्गदर्शक सूचना : - 1.    कोविड-19 साथरोगाचा वाढता प्रादूर्भाव लक्षात घेता जिल्हयातील नागरिकांनी यांनी आपले लाकडे डॉ. बाबासाहेब आंबेडकर यांना आपण ज्या ठिकाणी आहात तेथूनच मन:पूर्वक अभिवादन करुन शक्यतो चैत्यभूमीवर होणारी गर्दी टाळून साथरोगांची साखळी तोडण्यात सहकार्य करावे.   2.   वयोवृध्द व्यक्ती, मधुमेह, उच्च रक्तदाब, किडनी विकार यासारखे आजाराने पिडीत तसेच सर्दी, ताप, खोकला यासारखे लक्षणे असेलले मंडळी यांनी शक्यतो कार्यक्रमांमध्ये सहभागी होणे टाळावे. 3.   कार्यक्रमांत सहभागी होणारे नागरिकांनी मास्कचा वापर, सॅनिटायझर अथवा साबणाने हात नियमित स्वच्छ करावे, गर्दीच्या ठिकाणी दोन व्यक्तीमध्ये किमान दोन मिटर चे अंतर ठेवावे तसेच सार्वजनिक ठिकाणी धूम्रपान करणे किंवा गुटका पान खाने व थुंकणे बेकायदेशिर असून अशा गोष्टी टाळावे. 4.   महापरिनिर्वाण दिनानिमित्त स्थान...

गडचिरोली : - दि.25:  गडचिरोली जिल्हयात कोविड-19 चा प्रसार रोखण्यासाठी मानक कार्यप्रणाली (SOP) घरगुती विमान प्रवाश्यांसाठी (Domestic Air Travel) कार्यान्वित करण्यात आले आहे. दिल्ली (एनसीआरसह), राजस्थान, गुजरात आणि गोवा या राज्यामधील विमानतळांवरुन प्रवास करणारे  तेथील सर्व स्थानिक प्रवाश्यांना कोरोना चाचणी अहवाल(RTPCR टेस्ट रिपोर्ट) सोबत बाळगणे अनिवार्य असेल. तसेच प्रवासा पूर्वी व प्रवासानंतर विमानतळावर दाखविणे बंधनकारक असेल. विमानतळ प्राधिकरण यांना प्रवासापूर्वी प्रवाश्यांचे कोरोना चाचणी अहवाल पडताळणी करणे बंधनकारक राहील.   घरगुती हवाई प्रवाश्यांना (Domestic Air Travel) RTPCR चाचणी अहवाल विमानतळांवर उतरण्याच्या नियोजित वेळेच्या 72 तासांच्या आत झालेला असावा. RTPCR चाचणी अहवाल नसलेल्या विमान प्रवाश्यांना वरील अटी 1 आणि 2 मधील बाबी पूर्ण न केल्यास त्यांना संबंधित विमानतळावर स्वखर्चावर RTPCR तपासणी करणे अनिवार्य राहणार. याकरीता विमानतळ प्रधिकरणाने RTPCR चाचणी केंद्राची व्यवस्था करुन प्रवाश्यांकडून चाचणीसाठी थेट शुल्क आकारण्यास मुभा राहील.विमानतळावर चाचणी झाल्...

गडचिरोली : - दि.25: नागपूर विभाग पदविधर मतदारसंघाची व्दिवार्षिक निवडणूक-2020 च्या निवडणूक अनुषंगाने सर्व पदविधर मतदारांना  सुचित करण्यात येते की मा. भारत निवडणूक आयोग, नवी दिल्ली यांचे कडून नागपूर विभाग पदविधर मतदार संघाची व्दिवार्षिक निवडणूकीचा कार्यक्रम घोषित केलेला आहे.  सदर निवडणूकीचे मतदान दिनांक 01 डिसेंबर  रोजी  होणार आहे. या निवडणूकीसाठी मतदार म्हणून नोंदणी झालेल्या सर्व असलेल्या पदवीधर मतदारांना निवडणूकीच्या दिवशी मतदानाचा हक्क बजावण्यासाठी मतदानाच्या दिवसाची विशेष नैमित्तीक रजा अनुज्ञेय आहे.  सदरची रजा ही कर्मचा-यांना अनुज्ञेय असलेल्या नैमित्तीक रजेव्यतिरिक्त असणार आहे.  तरी या निवडणूकीमध्ये पदविधर मतदारांनी जास्तीत जास्त संख्येने मतदान करावे असे आवाहन सहाय्यक निवडणूक निर्णय अधिकारी,  नागपूर विभाग पदविधर मतदार संघ तथा जिल्हाधिकारी गडचिरोली यांनी केले आहे.

गडचिरोली : - दि.25: एका मृत्यूसह आज जिल्हयात 40 नवीन बाधित आढळून आले. तर आज 33 जणांनी कोरोनावर मात केल्याने त्यांना रूग्णालयातून घरी सोडण्यात आले. यामुळे जिल्हयातील आत्तापर्यंत बाधित 7680 पैकी कोरोनामुक्त झालेली संख्या 6835 वर पोहचली. तसेच सद्या 767 सक्रिय कोरोना बाधितांवर उपचार सुरू आहेत. आत्तापर्यंत जिल्हयात एकुण 78 जणांचा मृत्यू कोरोनामुळे झाल्याची नोंद आहे. नवीन 1 मृत्यूंमध्ये  43 वर्षीय महिला दुसऱ्या राज्यातील (छत्तीसगड) होती. जिल्हयातील कोरोना रूग्ण बरे होण्याचे प्रमाण 89.00 टक्के, सक्रिय रूग्णांचे प्रमाण 9.99 टक्के तर मृत्यू दर 1.02 टक्के झाला. नवीन 40 बाधितांमध्ये गडचिरोली 19, अहेरी 8, आरमोरी 2, भामरागड 1, चामोर्शी 6, धानोरा 0, एटापल्ली 1, कोरची 0, कुरखेडा 1, मुलचेरा 0, सिरोंचा 1  व वडसा येथील 0 जणांचा समावेश आहे.  आज कोरोनामुक्त झालेल्या 33 रूग्णांमध्ये गडचिरोली 18, अहेरी 7, आरमोरी 1, भामरागड 2, चामोर्शी 2, धानोरा 0, एटापल्ली 1, मुलचेरा 0, सिरोंचा 1, कोरची 0,  कुरखेडा 1 व वडसा मधील 0 जणाचा समावेश आहे. नवीन बाधितामध्ये गडचिरोली तालुक्यातील सीआरपी...

दिक्षा झाडे - तालुका प्रतिनिधी एटापल्ली गडचिरोली/एटापल्ली : -  तालुक्यापासून २ किमी अंतरावर येत असलेला जीवनगट्टा या गावात अनेक लोकांचे शासना तर्फे येत असलेले विधवा, वृद्ध पेंशन योजनेचे पैसे गेल्या ३ ते ४ महिन्यापासून खात्यात जमा होत नसल्याने त्वरीत जमा करण्याकरिता टायगर ग्रुप एटापल्लीच्या पुढाकाराने गावकऱ्यांसह तहसीलदार, एटापल्ली यांना निवेदन देण्यात आले. आधीच कोरोनाचा कहराने लोकांचा मनात भीतीचा घर घेऊन बसला आहे. त्यातच जन सामान्य माणसचे जगणं कठीण होत आहे, रोजी रोटी बंद असून सर्व मजुरी कामे ठप्प पडले आहे. मजुरी करून घर चालवणाऱ्यावर उपास मारीची वेळ आली आहे. अश्या वेळी जे विधवा, वृद्ध यांना शासना तर्फे मिळणारे निराधार पेंशन योजना व अन्य योजनेअंतर्गत येत असलेले पैसे देखील बंद होते, त्यामुळे यांच्यावर पण उपासमारीची वेळ आली.  टायगर ग्रुप एटापल्लीचे सदस्य समस्या जाणून घेण्यासाठी जीवनगट्टा गावात गेले असता त्या गावातील लोकांनी प्रतिसाद देत समस्या सांगितले, टायगर ग्रुप सदस्यांनी त्याचे निवारण करण्याकरीता गावकऱ्यांसह तहसिल कार्यालय येथे गाठून तहसीलदार यांना निवेदन ...

कोरोना परिस्थितीत जनतेच्या जीवाशी खेळणारे राजकारण न करण्यासाठी  राजकीय पक्षांना सूचना देण्याची केली मागणी मुंबई : - दि २४ :  कोरोनाची लाट पुन्हा येत आहे , अशा परिस्थितीत केंद्राच्या सूचनेनुसार तसेच योग्य त्या सावधतेने आम्ही जनजीवन पूर्वपदावर  आणत आहोत मात्र काही राजकीय पक्ष जनतेच्या जीवाशी खेळत आरोग्याचे नियम मोडत रस्त्यावर उतरून राजकीय आंदोलने करीत आहेत त्यांना परिस्थितीची कल्पना देऊन योग्य ती समज द्यावी अशी सूचना मुख्यमंत्री उद्धव ठाकरे यांनी केली. लसीकरण आणि  तिचे वितरण याबाबत राज्यात एक टास्क फोर्स गठीत केला असल्याची माहितीही त्यांनी दिली. आज पंतप्रधान नरेंद्र मोदी यांच्या उपस्थितीत कोविडचा अधिक प्रादुर्भाव असलेल्या देशातील  8  राज्यांची व्हीसीद्वारे बैठक घेण्यात आली ,  यावेळी मुख्यमंत्री उद्धव ठाकरे बोलत होते .याप्रसंगी नीती आयोगाने देखील येणाऱ्या लसीची निर्मिती ,  वितरण याबाबत सादरीकरण केले. यावेळी पंतप्रधान नरेंद्र मोदी व गृहमंत्री अमित शहा यांनी देखील मार्गदर्शन केले.   राजकारण न करण्याच्या सूचना द्याव्यात मुख्यमंत्री पुढे...

चंद्रपूर/मुल : - उपजिल्हा ग्रामीण रुग्णालय मुल याठिकाणी मूल तालुक्यातील बरेच रुग्ण येत असतात. मुल तालुक्यामध्ये बालरोग तज्ञ नसल्यामुळे लहान मुलांना किरकोळ आजारासाठीही चंद्रपूरला न्यावे लागते. त्याचप्रमाणे मुल ग्रामीण रुग्णालयात ईसीजीची सोय नसल्यामुळे रुग्णांना आर्थिक व मानसिक भुर्दंड सोसावा लागत आहे. तसेच वेळेवर उपचाराअभावी कित्येक रुग्णांना आपला जीवही गमवावा लागला आहे. ही बाब अतिशय गंभीर असून मुल उपजिल्हा रुग्णालयात बालरोग तज्ञ व ECGची नितांत आवश्यकता आहे.तरी तात्काळ सदर मागणीची पूर्तता करावी याकरिता उलगुलान संघटना शाखा मुल द्वारा उपविभागीय अधिकारी मूल यांना निवेदन देण्यात आले.      जर वरील मागणी पूर्ण झाली नाही तर उलगुलान संघटना ग्रामीण रुग्णालयासमोर धरणे आंदोलन करणार असा इशारा उलगुलान संघटने द्वारा देण्यात आला. निवेदन देताना उलगुलान संघटनेचे शाखा अध्यक्ष निखिल वाढई, उपाध्यक्ष प्रणित पाल, आकाश येसनकर, रोहित शेंडे, अक्षय दुमावार, वतन चिकाटे, साहिल खोब्रागडे तथा अन्य कार्यकर्ते उपस्थित होते.

शासकीय नोकरदारांनी सामाजिक दायित्व पार पाडण्यासाठी पुढे यावे - अविनाश नळेगावकर. गडचिरोली/भामरागड : - उप पोस्टे लाहेरी येथील अधिकारी व पोलीस अंमलदार यांनी सामाजिक दायित्व जपत हद्दीतील गावांना व्हॉलीबॉलचे वाटप केले. गडचिरोली जिल्ह्याची गणना ही मागास, गरीब आणि आदिवासी बहुल म्हणून केली जाते. त्यात भामरागड तालुक्यातील उप पोलीस ठाणे लाहेरी हा परिसर अतिमागास, पराकोटीचा गरीब आणि आदिवासी बहूल आहे.  पोलीस अधीक्षक अंकित गोयल, अपर पोलीस अधीक्षक सोमय मुंढे यांचे मार्गदर्शनाखाली लाहेरी पोलिस स्टेशनचे प्रभारी अधिकारी अविनाश नळेगावकर यांनी उप पोलीस स्टेशनला दत्तक गाव अंमलदार यांची नेमणूक केली. त्यानुसार प्रत्येक गावासाठी उपलब्ध संख्येनुसार एक किंवा दोन पोलीस अंमलदारांची नेमणूक करण्यात आली. हे दत्तक गाव अंमलदार संबंधित गावच्या अडी अडचणी, गावामध्ये कायदा -सुव्यवस्था व शांतता अबाधित ठेवणे, विविध शासकीय योजनांची माहिती संबंधित गावकाऱ्यां पर्यंत पोहचवणे व पात्र लाभार्त्यांचा शोध घेऊन त्यांचे विहित नमुन्यात अर्ज घेऊन ते संबंधीत विभागाकडे पोहचवणे ईतर कामे पार पाडतात. यामुळे प्रशासकीय का...

अभिवादन, मानवंदनेचे थेट प्रक्षेपण; ऑन-लाईन माध्यमातून दर्शन. मुख्यमंत्री उद्धव ठाकरे यांनी घेतला विविध यंत्रणाकडून आढावा. मुंबई : - दि. 23 : महापरिनिर्वाण दिन हा भारतरत्न डॉ. बाबासाहेब आंबेडकर यांना अभिवादन करण्याचा दिवस आहे. या अभिवादनासाठी ज्या-ज्या गोष्टी करायच्या, त्या सर्व गोष्टी केल्या जातील. त्यामध्ये कुठेही कमीपणा येऊ देणार नाही. पण कोरोना संकटामुळे यावर्षी मात्र जनतेने अभिवादनासाठी मुंबईतील चैत्यभूमीवर गर्दी करू नये. परिस्थितीचे भान ओळखून या अनुयायांनी आपल्या कृतीतून  विचारांची प्रगल्भता दाखवावी, असे आवाहन मुख्यमंत्री उद्धव ठाकरे यांनी केले.  सहा डिसेंबर रोजीच्या भारतरत्न डॉ. बाबासाहेब आंबेडकर यांच्या 64 व्या महापरिनिर्वाण दिनाच्या अनुषंगाने मुख्यमंत्री श्री. ठाकरे यांच्या अध्यक्षतेखाली दूरदृश्य प्रणालीद्वारे आढावा बैठक झाली. या बैठकीत ते बोलत होते. महापरिनिर्वाण दिन समन्वय समितीनेही सहा डिसेंबर रोजी अनुयायांनी अभिवादनासाठी मुंबईत येऊ नये असे आवाहन केले आहे. या भूमिकेचे मुख्यमंत्री श्री. ठाकरे यांनी स्वागत केले. समितीने चैत्यभूमी येथील अभिवादन कार्यक्रम...

गेल्या चोवीस तासात 74 नवीन बाधित तर 61 जण कोरोनामुक्त. गडचिरोली : - दि.23:  जिल्हयात आत्तापर्यंत कोरोनाची साथ आल्यापासून तब्बल 82910 संशयितांच्या कोरोना चाचण्या करण्यात आल्या आहेत. त्यापैकी केवळ 9.08 टक्के म्हणजेच 7530 जण कोरोना बाधित आढळून आले. संशयितांच्या चाचण्या वेळेत करून संदर्भ सेवा दिल्याने जिल्हयातील बाधितांचे प्रमाण आटोक्यात राहिल्याचे जिल्हयात चित्र आहे. राज्यात सर्वात कमी रूग्णसंख्या गडचिरोली जिल्हयाची आहे. तसेच राज्यात सर्वात कमी मृत्यूदरही गडचिरोली जिल्हयाचा आहे. सद्या मात्र पून्हा काही प्रमाणात रूग्ण संख्या वाढत असल्याची परिस्थिती जिल्हयात आहे. त्यामूळे नागरिकांनी अधिक खबरदारी घेणेबाबत जिल्हा प्रशासनाकडून आवाहन करण्यात येत आहे. मास्क लावणे, गर्दी टाळणे याबाबत सूचनांचे प्रत्येकाने पालन करावे असे आवाहन जिल्हाधिकारी यांनी केले आहे. तसेच गेल्या चोवीस तासात जिल्हयात 74 नवीन कोरोना बाधित आढळून आले. तर 61 जणांनी कोरोनातून बरे झाल्याने त्यांना रूग्णालयातून घरी सोडण्यात आले. यामुळे जिल्हयातील आत्तापर्यंत बाधित 7530 पैकी कोरोनामुक्त झालेली संख्या 6765 वर पोहचली. तस...

गडचिरोली : - दि.23:  नागपूर विभाग पदविधर मतदारसंघाची व्दिवार्षिक निवडणूक-2020 च्या अनुषंगाने सर्व पदविधर मतदार यांना  मतदानावेळी मतदान ओळखपत्र नसल्यास इतर 9 प्रकारच्या ओळखपत्रांचा पर्याय निवडणूक आयोगाकडून देण्यात आला आहे. याबाबतचे आवाहन सहाय्यक निवडणूक निर्णय अधिकारी, नागपूर विभाग पदविधर मतदार संघ तथा जिल्हाधिकारी गडचिरोली दीपक सिंगला यांनी केले आहे.  दिनांक 02 नोव्हेंबर  पासून संपुर्ण गडचिरोली जिल्ह्यात आचारसंहिता लागू करण्यांत आलेली असून दिनांक 01 डिसेंबर रोजी मतदान होणार आहे. दिनांक 01 डिसेंबर रोजी मतदानाचे दिवशी मतदान करताना मतदान केंद्रावर मतदारांची ओळख पटविण्यासाठी मतदार ओळखपत्र (EPIC) सादर करू शकत नाहीत, अशा मतदारांना त्यांची ओळख पटविण्यासाठी मतदार ओळखपत्राच्या (EPIC) व्यतिरीक्त पुढिलप्रमाणे कागदपत्रे पुरावा म्हणून ग्राह्य धरण्यात येणार आहे. यामध्ये आधार कार्ड, वाहन चालक परवाना, पॅन कार्ड, पारपत्र, केंद्र/राज्य शासन/ सार्वजनिक उपक्रम/स्थानिक स्वराज संस्था किंवा खाजगी औद्योगिक घराणे यांनी वितरीत केलेले सेवा ओळखपत्र, मा. खासदार / मा. आमदार यांचे अधि...

श्रीनिवास बोमनवार -  तालुका प्रतिनिधी अहेरी अहेरी : -  तालुका अंतर्गत येणाऱ्या रामय्यापेटा येथे स्वच्छ भारत अभियान उपक्रम राबविण्यात आला. संपूर्ण जग कोरोना  महामारी सोबत लढत असतांना रामय्यापेटा येेेथील युवा पिढी मात्र अस्वच्छते पासून येणारे अनेक रोगांना टाळण्यासाठी स्वच्छ भारत अभियान हाती घेतले आहे. त्यासाठी युवा पिढी कडून संपूर्ण गावात साफसफाई करण्यात आला व गाव सुंदर दिसण्यासाठी रोडच्या कडेचे गवत कचरा काड्या ही साफ करण्यात आला. या उपक्रमातून रामय्यापेटाचे युवा पिढीच्या स्वच्छतेबदल आवड आणि संकल्प इतर गावांनाही मार्गदर्शन ठरणार असल्याचे दिसून येत आहे. या उपक्रमात सहभाग झालेले युवा, स्वच्छ भारत अभियान संत गाडगेबाबा रामय्यापेटाचे अध्यक्ष - विक्रम चटारे, उपाध्यक्ष - सचिन गुरनुले, सचिव - अनिता वाचामी, सुगंधा मडावी, रोजगार सेवक - दलसु मडावी सदस्य - रमेश वसाके, नितेश लेनगुरे, रमेश चातरे,संजय आदे, विश्वनाथ सिडाम, शामल मडावी, सारिका निकुरे, सोनाली आत्राम, रीना मडावी, ममता आत्राम आदी उपस्थित होते.

गडचिरोली/एटापल्ली : - शासनाच्या विविध योजनांं पैकी जिल्हा परिषदेमार्फत राबविल्या जाणाऱ्या 1) रमाई आवास योजना 2)आदिम जमाती आवास योजना सन 2018-2019-2020 साली मंजूर झालेल्या घरकुल लाभार्थ्यांना अनुदान मिळाले नसल्याने, आर्थिक- मानसिक त्रास सहन करावा लागत असून काही लाभार्थी उघड्यावर पडले आहेत. आपली जुनी झोपडी पाडुन नवीन घरकुलाचे काम सुरु केले. मात्र अनुदान न मिळाल्याने काम अर्धवट अवस्थेत आहेत. त्यामुळे ते ''घर का ना घाट का "या परिस्थितीत आहेत.  तसेच 1)बिरसामुंडा कृषी क्रांती योजना 2) डॉ बाबासाहेब आंबेडकर स्वाभिमान योजना अंतर्गत सिंचन विहीर योजनांचे विहीर बांधकाम पूर्ण होऊन देखील सबंधित अधिकारी, कर्मचारी यांच्या दिरंगाई मुळे दुसऱ्या टप्प्यातील अनुदान मिळालेले नाही. त्यामुळे सिंचन विहीर लाभार्थी देखील अडचणीत सापडले आहेत. साहित्यांचे पैसे, मजुरांचे पैसे देणे असल्याने कुचंबणा होत आहे.  सदर अडचण लक्षात घेऊन राष्ट्रवादी काँग्रेस पार्टी एटापल्लीचे तालुकाध्यक्ष दौलतराव दहागावकर यांनी मा. मुख्य कार्यपालन अधिकारी, जिल्हा परिषद- गडचिरोली यांच्याकडे त्वरित अनुदान मिळण्यास संवर...

गडचिरोली : - दि.22:  आज जिल्हयात 131 नवीन बाधित आढळून आले. तर आज 47 जणांनी कोरोनावर मात केल्याने त्यांना रूग्णालयातून घरी सोडण्यात आले. यामुळे जिल्हयातील आत्तापर्यंत बाधित 7456 पैकी कोरोनामुक्त झालेली संख्या 6704 वर पोहचली. तसेच सद्या 677 सक्रिय कोरोना बाधितांवर उपचार सुरू आहेत. आत्तापर्यंत जिल्हयात एकुण 75 जणांचा मृत्यू कोरोनामुळे झाल्याची नोंद आहे. आज जिल्हयातील कोरोना रूग्ण बरे होण्याचे प्रमाण 89.91 टक्के, सक्रिय रूग्णांचे प्रमाण 9.08 टक्के तर मृत्यू दर 1.01 टक्के झाला. नवीन 131 बाधितांमध्ये गडचिरोली 39, अहेरी 21, आरमोरी 25, भामरागड 3, चामोर्शी 15, धानोरा 5, एटापल्ली 2, कोरची 5, कुरखेडा 3, मुलचेरा 4, सिरोंचा 2  व वडसा येथील 7 जणांचा समावेश आहे.  आज कोरोनामुक्त झालेल्या 47 रूग्णांमध्ये गडचिरोली 21, अहेरी 2, आरमोरी 2, भामरागड 3, चामोर्शी 2, धानोरा 2, एटापल्ली 1, मुलचेरा 2, सिरोंचा 2, कोरची 2,  कुरखेडा 4 व वडसा मधील 4 जणाचा समावेश आहे. नवीन बाधितामध्ये गडचिरोली तालुक्यातील पंचवटी नगर 2, मरुदेशवर हॉस्पिटलजवळ 1, कॅम्प एरिया 1, मेडिकल कॉलनी 1, कन्नमवार वार्...

नाल्या नसल्यामुळे बारमाही रस्त्यातून वाहत असते पाणी. श्रीनिवास बोमनवार -  तालुका प्रतिनिधी अहेरी अहेरी : तालुका अंतर्गत येणाऱ्या  मद्दीगुडाम हा गाव किष्टापुर (वेल) ग्रामपंचायत अंतर्गत येते. मद्दीगुडाम पासून किष्ठापुर (वेल) ग्रामपंचायत पर्यंत १५ कि.मी चा प्रवास करून प्रत्येक वेळी तक्रार देणे शक्य नाही. तरी सुद्धा मद्दीगुडामचे नागरिकांनी अनेक वेळा त्यांच्या समस्या पाहणी करून त्या समस्यांच्या निवारण करण्यासाठी ग्रामपंचायत सचिवांना अनेक वेळा तोंडी व भ्रमणध्वनी द्वारे तक्रार देण्यात आले. मात्र ग्रामपंचायत सचिवांनी  मद्दीगुडाम या गावात जाऊन कधीही पाहणी केले नसल्याचे नागरिकांचे म्हणणे आहे. या गावात रोडच्या जिथे अत्यंत आवश्यक असते तिथे मुरूम टाकतात व जिथे रस्त्याच्या आवश्यकता नाही तिथे मात्र सिमेंट काँक्रीटचे  काम पूर्ण होऊन दिसते.  या भोंगळ कारभारामुळे मद्दीगुडामचे एका वार्डात किमान १० वर्षापासून रस्त्यावर दूषित दुर्गंध पाणी वाहत आहे. मात्र ग्रामपंचायत  दरवर्षि मुरूम टाकून हात झटकतात. या वार्डातील हा रस्ता मेन रोडकडे जाण्याच्या मुख्य रस्ता अ...

गडचिरोली : - ता. २१ : पक्षीमहर्षी डॉ. सलीम अली यांची जयंती व अरण्यऋषी मारुती चितमपल्ली यांच्या जन्मदिनानिमित्त राज्यात प्रथमच साजऱ्या होणाऱ्या पक्षीसप्ताहादरम्यान क्रेन्स संस्थेच्या किलबिल नेचर क्लबच्या वतीने नुकतेच पक्षीनिरीक्षण शिबिर घेण्यात आले. स्थानिक चांदाळा मार्गावरील सामाजिक वनीकरण विभागाच्या रोपवाटिकेत आयोजित या कार्यक्रमाला दंडकारण्य शिक्षण संस्थेचे अध्यक्ष प्राचार्य डॉ. राजाभाऊ मुनघाटे, वसंत विद्यालयाचे मुख्याध्यापक शेमदेव चाफले, पंडित जवाहरलाल नेहरू प्राथमिक शाळेचे मुख्याध्यापक सुधीर गोहणे, गडचिरोली जिल्ह्याचे मानद वन्यजीव रक्षक मिलिंद उमरे, क्रेन्स संस्थेच्या सचिव तथा योगशिक्षिका अंजली कुळमेथे आदींची प्रमुख उपस्थिती होती. यावेळी सामाजिक वनीकरण विभागाचा रोपवाटिकेचा परिसर तसेच चांदाळा मार्गावर भ्रमंती करून पक्षीनिरीक्षण करण्यात आले. शिबिराचे प्रमुख मार्गदर्शक मिलिंद उमरे यांनी विद्यार्थ्यांना विविध पक्ष्यांची ओळख करून देत पक्षीनिरीक्षण कसे करावे, याबद्दल सविस्तर माहिती दिली. या शिबिरात दयाळ, चिरक, लालबुड्या बुलबुल, सुभग, खाटिक, कोतवाल, कवडा, पारवा, थिरथिरा, चंडो...