ग्रामपंचायतीच्या सार्वत्रिक निवडणूकांसाठी मतदार यादीचा कार्यक्रम जाहिर.

गडचिरोली : - दि.26: माहे एप्रिल, 2020 ते जून, 2020 या कालावधीत मुदत संपलेल्या व नव्याने स्थापित झालेल्या तसेच  माहे जुलै, 2020 ते डिसेंबर, 2020 या कालावधीत मुदत संपलेल्या तसेच  नव्याने स्थापित   अशा एकूण 362 ग्रामपंचायतीच्या सार्वत्रिक निवडणूकांसाठी भारत निवडणूक आयोगाने दिनांक 25 सप्टेंबर, 2020 रोजी प्रसिद्ध करण्यात आलेली महाराष्ट्र विधानसभेची मतदार यादी वापरण्यात येणार आहे. त्याकरीता मतदार यादीचा  प्रभागनिहाय विभाजन  करण्याचा कार्यक्रम जाहिर केला आहे.

यामध्ये मतदार यादी ग्राह्य धरण्याचा दिनां‍क 25/09/2020 असा आहे. प्रभागनिहाय प्रारूप मतदार यादी  प्रसिद्ध करण्याचा दिनांक मंगळवार, दि. 01/12/2020 आहे. हरकती व सुचना दाखल करण्याचा कालावधी मंगळवार दि. 01/12/2020 व सोमवार दि. 07/12/2020 आहे. प्रभागनिहाय अंतिम मतदार यादी प्रसिद्ध करणे गुरूवार दि. 10/12/2020 असणार आहे. एकुण ग्रामपंचायत संख्या 457 पैकी एकुण निवडणूक होणाऱ्या ग्रामपंचायती 362 आहेत.