अहेरी-खमनचेरु रस्त्याच्या दुरुस्तीचा कामाला सुरुवात, लवकरच नविन निविदा प्रक्रिया पूर्ण करून रस्त्याच्या काम सुरु होणार आहे.

श्रीनिवास बोमनवार-तालुका प्रतिनिधी अहेरी

अहेरी : - खमनचेरु हा ७ किमी रस्ताची मुख्यमंत्री ग्राम सडक योजनेतून ५ कोटींच्या कामाची निविदा प्रक्रिया पूर्ण होऊन, माजी पालकमंत्री राजे अम्ब्रिशराव आत्राम

यांच्या हस्ते भूमिपूजन होऊनही गेल्या १ वर्षांपासून सदर रस्ताच्या कामाला प्रत्यक्ष सुरुवात न झाल्याने ह्या रस्ताची प्रचंड दुरावस्था झाली होती. याचा नागरिकांना प्रचंड त्रास सहन करावा लागत होता. अनेकांनी याबाबत तक्रार सुद्धा केल्या. 

तसेच भाजपा युवा मोर्चा जिल्हा महामंत्री अमोल गुडेल्लीवार यांनी सुध्दा मागील काही दिवसांपूर्वी श्री ओंकार ओतारी तहसीलदार,अहेरी यांना निवेदन देऊन या प्रलंबित रस्ताच्या कामाला तत्काळ सुरुवात करावे, अन्यथा भाजपा युवा मोर्चा तर्फे चक्काजाम आंदोलन करण्याचा इशारा दिला होता. सोबतच सोशल मीडियावर सातत्याने या विषयांवर सरकार आणि प्रशासनाचे लक्ष वेधले होते. 

तब्बल १ वर्षानंतर संबंधित यंत्रणा जागी झाली असून, सदर रस्ताच्या दुरुस्तीच्या कामाला काल पासून सुरुवात करण्यात आले. सद्या सदर रस्तावरील खड्डे बुजविण्याचे काम सुरू आहे. तसेच नगराळे कन्ट्रक्शन कंपनी, नागपुर यांची जुनी निविदा रद्द करण्यात आली असून, लवकरच नवीन निविदा प्रक्रिया पूर्ण करून अहेरी-खमनचेरु या ७ किमी रस्त्यावर नवीन डांबरीकरणाचे काम केले जाणार असल्याची माहिती संबंधित अभियंता यांनी दिली आहे.