TIMES OF GADCHIROLI

पालकमंत्री एकनाथ शिंदे यांचे नगरपरिषद व नगरपंचायत आढावा बैठकीत प्रतिपादन. गडचिरोली : - दि.31: जिल्ह्याचे पालकमंत्री तथा नगर विकास मंत्री महाराष्ट्र राज्य ना.एकनाथ शिंदे यांनी जिल्ह्यातील नगरपरिषद व नगरपंचायतीच्या नगराध्यक्ष व मुख्याधिकारी यांची आढावा बैठक काल जिल्हा नियोजन सभागृहात घेतली. यावेळी संपूर्ण राज्यात ऐतिहासिक निर्णय घेऊन लागू करण्यात आलेल्या एकत्रित विकास नियंत्रण नियमावली (युनिफाईड डीसीआर) चे सादरीकरण झाले. यावेळी पालकमंत्री बोलताना म्हणाले, या एकत्रित विकास विकास नियंत्रण नियमावलीमूळे सर्व शहरांचा विकास सारख्या पद्धतीने होण्यास चालना मिळेल व यामुळे सर्वसामान्यांसाठी परवडणारी घरे स्वस्त होतील. गेल्या अनेक वर्षापासून हा विषय प्रलंबित होता. गडचिरोली मध्ये यावेळी माहिती देण्यासाठी व उपस्थितांच्या अडचणी सोडविण्यासाठी स्वतः प्रधान सचिव, नगर विकास महेश पाठक पालकमंत्री यांचे समवेत आले होते. या नवीन नियमावली मुळे एफएसआइचा गैरवापर आहे तो थांबेल, मोठ्या प्रमाणावर एफएसआइ दिल्यामुळे हौसिन्ग स्टॉक मोठ्या प्रमाणावर निर्माण होईल. घरांच्या किमती नियंत्रणात येतील, परवडणारी घरे ...

जिल्हा नियोजन समितीची बैठक संपन्न. गडचिरोली : - दि.30:  पालकमंत्री तथा नगरविकास व सार्वजनिक बांधकाम (सार्वजनिक उपक्रम) मंत्री एकनाथ शिंदे यांच्या अध्यक्षतेखाली आज जिल्हा नियोजन समितीची बैठक जिल्हाधिकारी कार्यालयाच्या नियोजन विभागाच्या सभागृहात पार पडली. यावेळी त्यांनी जिल्हा वार्षिक योजनेचा निधी वेळेत खर्च करण्याचे तसेच त्यानिधीतून गुणवत्तापूर्ण काम कसे होईल याबाबत अधिकाऱ्यांना लक्ष घालून काम करावे असे निर्देश दिले. कोरोना काळात निधी बाबत प्रश्न निर्माण झाले होते मात्र आता शंभर टक्के निधी जिल्हा वार्षिक मधून वितरीत करण्यात आला आहे. मंजूर कामे करण्यासाठी वेळ कमी असला तरी ती वेळेत पुर्ण करताना कोणत्याही प्रकारे गुणवत्तेमध्ये बदल करता कामा नये अशा सूचना उपस्थित अधिकाऱ्यांना पालकमंत्री यांनी यावेळी दिल्या. यावर्षी 2020-21 साठी सुधारीत अर्थसंकल्पित 439.74 कोटींची तरतूद करण्यात आली असून त्यापैकी 38 टक्के खर्चही झाला आहे. पुढिल वर्षीच्या प्रारूप आराखडयावर या बैठकित चर्चा झाली. पुढिल वर्षासाठी 356.39 कोटी प्रस्तावित करण्यात आले आहेत  तर अतिरीक्त मागणी 510.18 कोटींची आहे. ...

गडचिरोली : - दि.29: केंद्रीय महिला व बाल विकास विभाग, अंतर्गत महिला व बाल विकासाच्या क्षेत्रात उल्लेखनिय काम करणाऱ्या स्वयंसेवी संस्था/व्यक्ती यांना नारी शक्ती पुरस्कार प्रदान करण्यात येतो. नारी शक्ती पुरस्कारासाठी पात्र इच्छुकांना केंद्र शासनाच्या www.wcd.nic.in या वेबसाईटवर जावून नारी शक्ती पुरस्कार मार्गदर्शीका नुसार त्यात आवश्यक पात्रता, नामांकन कोण सादर करु शकतील, आवश्यक कागदपत्रे, नामांकन सादर करण्याची पध्दत, वयाची अट, अनुभव याचे वाचन करुन www.narishaktipurskar.wcd.gov.in या ऑनलाईन लिंक द्वारे केवळ ऑनलाईन अर्ज/नामनिर्देशन भरण्याची अंतिम तारीख 30 जानेवारी 2021  पर्यंत आहे.  तरी इच्छुक व्यक्ती /संस्थाकडुन केवळ ऑनलाईन अर्ज/नामनिर्देशन मागविण्यात येत आहे. असे जिल्हा महिला व बाल विकास अधिकारी, गडचिरोली यांनी कळविले आहे.

गडचिरोली : - दि.29: सामाजिक न्याय व विशेष सहाय्य विभाग  दिनांक 8 मार्च ,2019 अन्वये केंद्र शासनाच्या स्टॅड अप इंडिया योजनेत अनुसूचित जाती व नवबौध्द समाजाच्या घटकांकरीता मार्जिन मनी योजना सुरु करण्यात आलेली आहे. सदर योजनेच्या मार्गदर्शक सुचना शासन निर्णय क्रमांक स्टॅडई दिनांक 9 डिसेंबर 2020 अन्वये शासन स्तरावरुन निश्र्चित करण्यात आलेले आहे. सदरचा शासन निर्णय शासनाच्या www.maharashtra.gov.in या संकेतस्थळावर निरीक्षणासाठी उपलब्ध आहे.       सदर योजनेकरीता इच्छुक लाभार्थी असतील त्यांनी त्यांच्या जिल्हयाच्या संबंधित सहाय्यक आयुक्त, समाज कल्याण यांचेकडे शासन निर्णयातील नमुद करण्यात आलेल्या सर्व अटी व शर्तीची पूर्तता करुन प्रस्ताव सादर करावा.

गडचिरोली : - दि.29: गडचिरोली जिल्ह्यातील कृषि निविष्ठा वितरकांची बैठक व प्रशिक्षण श्री.डी.एम. कोळप कृषि विकास अधिकारी जिल्हा परिषद, गडचिरोली यांचे अध्येक्षतेखाली कृषि विकास अधिकारी कार्यालय जिल्हा परिषद, गडचिरोली येथे दिनांक 28 जानेवारी 2021 रोजी पार पडली. या बैठकीसाठी जिल्हा परिषद गडचिरोलीचे जिल्हा कृषि अधिकारी श्री. पी.झेड.तुमसरे, मोहिम अधिकारी श्री. के. जी. दोनाडकर, इफको कंपनीचे विक्री अधिकारी रितेश मलगार तसेच जिल्ह्यातील सर्व रासायनिक खते घाऊक विक्रेते उपस्थित होते.            बैठकीमध्ये प्रत्यक्ष खत साठा आणि ई पॉस मशिनचे खत साठा सारखा करणे. ई पॉस मशिनचे 3.1 वर्जन अपडेट करणे. जास्तीत जास्त खत विक्रेत्यांकडे डेस्कटॉप व मोबाईल वर्जन सुरु करून देणे. खत विक्रेत्यांकडील प्रलंबित Acknowledgement निकाली काढणे. Biometric मशिन वितरीत करणे. सर्व 100% खत विक्रेत्यांनी डिजिटल पेमेंट सुविधा QR CODE उपलब्ध करून देणे. कार्यरत नसलेल्या खत विक्रेत्यांची MFMS नोंदणी रद्द करणे याबाबत सविस्तर चर्चा करण्यात आली. तसेच जे विक्रेते ई पॉस मशिनचे 3.1 वर्जन 31/1/2021...

गडचिरोली : -  दि.27: 32 वे रस्ता सुरक्षा अभियान, दि. 18 जानेवारी 2021 ते 17 फेब्रुवारी 2021 या कालावधीत उप प्रादेशिक परिवहन कार्यालय, गडचिरोली तसेच पोलीस विभाग (वाहतुक शाखा), गडचिरोली यांचे संयुक्त विद्यमाने राबविण्यात येत आहे. त्याअनुषंगाने दि. 28 जानेवारी 2021 रोजी सायंकाळी 4.00 ते 6.00 च्या कालावधीत अप्पलवार आय हॉस्पीटल, गडचिरोली येथे टॅक्सी चालक तसेच ऑटोरिक्षा चालकांकरीता मोफत नेत्र तपासणी शिबीराचे आयोजन केलेले आहे. तथापि गडचिरोली जिल्ह्यातील सर्व टॅक्सी चालक तसेच ऑटोरिक्षा चालकांनी या मोफत नेत्र तपासणी शिबीराचा लाभ घ्यावा असे आवाहन उप प्रादेशिक परिवहन कार्यालय, गडचिरोली तसेच पोलीस विभाग (वाहतुक शाखा), गडचिरोली यांचे वतीने करण्यात आले आहे.

गडचिरोली येथे महाकृषि ऊर्जा अभियानाचा शुभारंभ गडचिरोली : -  दि.27: राज्याचे मुख्यमंत्री यांनी महाराष्ट्र राज्यातील शेतकऱ्यांना विश्वासार्ह किफायतशीर व दिवसा सुनिश्चित विजपुरवठा करण्याच्या दृष्टीने तसेच दिर्घकालीन ऊर्जा सुरक्षिततेच्या दृष्टीने अपारंपारिक ऊर्जा स्त्रोतांच्या कृषि क्षेत्रासाठी जास्तीत जास्त वापर करण्याच्या हेतुने दि. २६ जानेवारी रोजी गणराज्य दिनानिमित्त महाकृषि ऊर्जा अभियान जाहीर केले. गडचिरोली जिल्हयातील या योजनेच्या शुभारंभ प्रसंगी राज्याचे आरोग्य विभागाचे राज्यमंत्री राजेंद्र पाटिल यड्रावकर यांनी अपारंपारिक ऊर्जा स्त्रोत सुनिश्चित वीजपुरवठ्यासाठी किफायतशीर असल्याचे मत व्यक्त केले. यावेळी त्यांनी जिल्हयातील वीज परिस्थिती व वी पुरवठयाबाबत माहिती जाणून घेतली. या योजनेच्या अनुषंगाने गडचिरोली जिल्ह्यातील अनुसुचित जाती, अनुसुचित जमाती व इतर प्रवर्गातील एकुण ५ शेतकऱ्यांची निवड करुन त्यांना मागणीपत्र देऊन मागणीपत्राचे पैसे भरल्यानंतर दि. १९/०२/२०२९ पर्यंत त्यांच्या शेतावर सौरकृषिपंप करण्याचे महाकृषि ऊर्जा अभियान अंतर्गत नियोजिले आहे. त्याकरीता सदर अभियान अंतर्ग...

गडचिरोली : -  दि.27: 31 जानेवारी 2021 रोजी पल्स पोलिओ लसीकरण मोहिम अंतर्गत जिल्हयात असणारे प्रत्येक पात्र बालकास पोलिओ डोस दिले जातील याची खबरदारी आरोग्य विभागाने घेतली असून याची संपूर्ण तयारी करण्यात आली आहे असे सहायक जिल्हा आरोग्य अधिकारी  विनोद म्हशाखेत्री यांनी आज झालेल्या पत्रकार परिषदेत माहिती देतांना सांगितले.             जिल्हा आरोग्य अधिकारी यांच्या कक्षात झालेल्या पत्रकार परिषदेत माहिती देतांना डॉ. विनोद म्हशाखेत्री यांनी  सांगितले की, ट्रान्झीट टीम म्हणजे जीथे बसेस, रेल्वे असे ठिकाण आहेत ज्याठिकाणी त्यांचे थांबे असतील तीथे पल्स पोलीओची लस पाजण्यात येणार आहे. तसेच मोबाईल टीमद्वारे ग्रामीण तसेच दुर्गम भागात पल्स पोलीओची लस लहान बालकांना पाजण्यात येणार आहे.         चालु वर्षात पल्स पोलिओ लसीकरण मोहिमेचे विशेष सत्र राबविण्यात येत असून पल्स पोलिओ लसीकरण मोहिम अतंर्गत दिनांक 31 जानेवारी 2021 रोजी लसीकरण मोहिम राबविण्यात येणार आहे. जिल्हयातील 0-5 वर्ष वयोगटातील  89710 अपेक्षित लाभार्थी आहेत. याकरी...

प्रजासत्ताक दिनाच्या 71 व्या वर्धापन दिन उत्साहात साजरा गडचिरोली : -  दि.26: गडचिरोली जिल्हा महाराष्ट्र राज्यामध्ये अभिमानाचं स्थान आहे. येथील वनसंपत्ती, खनिजे, आदिवासी संस्कृती, त्यांच्या रिती व परंपरा विशेष आहेत असे उद्गार राज्याचे आरोग्य, वस्त्रोद्योग व वैद्यकीय शिक्षण राज्यमंत्री मा.ना.डॉ. राजेंद्र पाटिल यड्रावकर यांनी प्रजासत्ताक दिनाच्या 71 व्या वर्धापन दिनी गडचिरोली मध्ये काढले. आज मंगळवार, दिनांक 26 जानेवारी रोजी सकाळी 9.15 वाजता  ध्वजारोहणाचा मुख्य शासकीय समारंभ पोलीस कवायत मैदान, गडचिरोली येथील प्रांगणात राज्यमंत्री यांच्या हस्ते साजरा करण्यात आला.  यावेळी डॉ. राजेंद्र पाटील यड्रावकर यांनी भारतीय प्रजासत्ताक दिनाचा आज 71 वा वर्धापनदिना निमित्त सोहळयास उपस्थित असणारे स्वातंत्र्य सैनिक, ज्येष्ठ नागरिक, जिल्हयातील पदाधिकारी, शहीद जवानांच्या वीर पत्नी तसेच कुटुंबीय, सर्व अधिकारी, कर्मचारी तसेच पत्रकार बांधव, विद्यार्थी आणि नागरिकांना प्रजासत्ताक दिनाच्या हार्दिक शुभेच्छा दिल्या. तसेच देशाच्या स्वातंत्र्यासाठी ज्यांनी जीवाची पर्वा केली नाही जिल्हयात नक्षल...

मुंबई : -  दि. 23 : प्रजासत्ताक दिनानिमित्त येत्या 26 जानेवारी रोजी दादर येथील छत्रपती शिवाजी महाराज मैदान येथे होणाऱ्या मुख्य शासकीय समारंभाची आज रंगीत तालीम करण्यात आली.  कोरोनाच्या पार्श्वभूमीवर यंदा हा कार्यक्रम मर्यादीत स्वरुपात होणार आहे. आजच्या रंगीत तालमीमध्ये सलामीसाठी झालेल्या संचलनामध्ये महाराष्ट्र पोलीस ब्रास बॅण्ड, राज्य राखीव पोलीस दल, बृहन्मुंबई सशस्त्र पोलीस दल आणि बृहन्मुंबई अश्वदल या मर्यादीत दलांनी सहभाग घेतला. मास्कचा वापर तसेच सोशल डिस्टन्सिंगविषयक नियमांचे यावेळी पालन करण्यात आले. राजशिष्टाचार विभागाच्या प्रधान सचिव तथा मुख्य राजशिष्टाचार अधिकारी मनीषा म्हैसकर, अतिरिक्त पोलीस महासंचालक संजीवकुमार सिंघल, विशेष पोलीस महानिरीक्षक डॉ. सुहास वारके, पोलीस उपायुक्त प्रणय अशोक, राजशिष्टाचार विभागाचे  उपसचिव तथा उपमुख्य राजशिष्टाचार अधिकारी उमेश मदन, अवर सचिव राजेंद्र गायकवाड आदी मान्यवर उपस्थित होते.

वृक्षलागवड आवड म्हणून नव्हे तर गरज म्हणून हवी राज्यात सुरू करणार मोठी मोहीम मुख्यमंत्र्यांचे सूतोवाच. मुंबई : -  दिनांक २२:   वृक्षलागवड ही आवड किंवा छंद म्हणून नव्हे तर गरज म्हणून हवी असे सांगताना मुख्यमंत्री उद्धव ठाकरे यांनी राज्यात वृक्ष लागवडीची मोठी मोहीम सुरू करण्याचे सूतोवाच केले. काल सायंकाळी ते वर्षा येथील समिती कक्षात मुख्यमंत्र्यांचे  प्रधान सचिव विकास खारगे यांनी लिहिलेल्या “एक हरित चळवळ, वृक्षलागवडीचा महाप्रयोग”  या पुस्तकाचे प्रकाशन करताना बोलत होते. पर्यावरण रक्षणाला शासनाचे सर्वोच्च प्राधान्य असून त्यामुळेच आपण आरेचे ८०० एकरचे जंगल जपण्याचा क्रांतीकारी निर्णय घेतला आहे. वाढत्या जागतिक तापमानाला रोखण्यासाठी आणि प्रदुषण कमी करण्यासाठी ज्या उपाययोजना आहेत त्यात वृक्षलागवड हा महत्वाचा विषय असून तो केवळ आवडीचा नाही तर  गरजेचा विषय झाला आहे. या वाटेवरून पुढे जातांना हे पुस्तक हरित महाराष्ट्राच्या निर्मितीसाठी मार्गदर्शक ठरेल असा विश्वास मुख्यमंत्री उद्धव ठाकरे यांनी व्यक्त केला. या प्रकाशनासाठी  खासदार विनायक राऊत, मुख्य सचिव संज...

गडचिरोली : - दि.22: दिनांक 25 जानेवारी हा भारत निवडणूक आयोगाचा स्थापना दिवस असुन यावर्षी 25 जानेवारी 2021 ला 11 वा राष्ट्रीय मतदार दिवस म्हणून जिल्हाधिकारी कार्यालय गडचिरोली, मतदार नोंदणी अधिकारी, सहाय्यक मतदार नोंदणी अधिकारी व मतदान केंद्रस्तरीय अधिकारी स्तरावर विविध उपक्रमांनी साजरा करण्यात येणार आहे.  निवडणूक विषयक जागृती निर्माण करण्याकरीता चित्रकला स्पर्धा, रांगोळी स्पर्धा आयोजन करण्यात आलेले असून शाळा/महाविद्यालय स्तरावर आयोजीत करण्यात आलेल्या स्पर्धामध्ये गुणनुक्रमे पहिल्या तीन क्रमांकावरील विद्यार्थ्यांचा सत्कार जिल्हा स्तरावर आयोजीत राष्ट्रीय मतदार दिवसाचे कार्यक्रमात करण्यात येणार आहे. मतदान प्रक्रियेमध्ये युवा मतदारांचा सहभाग वाढावा व त्यांच्यात मतदानाविषयी जागृती निर्माण व्हावी यासाठी जिल्हा स्तरावरील राष्ट्रीय मतदार दिवसाच्या कार्यक्रमाचे आयोजन जिल्हा नियोजन समिती सभागृह, जिल्हाधिकारी कार्यालय, गडचिरोली येथे दिनांक 25 जानेवारी, 2021 रोजी दुपारी 1.00 वाजता करण्यात येणार आहे.   } सभी मतदाता बनें: सशक्त, सतर्क, सुरक्षित एवं जागरूक~ अशी अकराव्या राष...

चंद्रपूर/मुल : - मागील एक वर्षापासून कोरोना महामारी काळ सुरू आहे. यामुळे छोटे व मोठे उद्योगधंदे बंद असल्यामुळे व्यावसायिकांवर उपासमारीची वेळ आलेली आहे. या व्यावसायिकांचा हातावर आणून पानावर खाणाऱ्यांचा फुटपाथ हाच एक मात्र मार्ग आहे.  नगरपरिषद अंतर्गत अतिक्रमण हटाव मोहीम राबविण्यात येत आहे. परंतु अतिक्रमण हटविण्या अगोदर फुटपाथ व्यवसायिकांच्या दुकानांसाठी जागेची पर्यायी व्यवस्था करून देण्यात यावे. जेणेकरून त्या व्यावसायिकांवर उपासमारीची वेळ येणार नाही.  या करिता नगरपरिषद मुख्याधिकारी यांना निवेदन देतांना निखिल वाढई, प्रणित पाल,आकाश येसनकर, रोहित शेंडे, सोहन दहिलकर, हर्षल भूरसे, साहिल खोब्रागडे, गोलू कामळी,अक्षय दुमावार,करण डोरलीकर, तथा अन्य युवा वर्ग उपस्थित होते.

दोन्ही टप्प्यातील निवडणूकीची उद्या मतमोजणी गडचिरोली  : - दि.21 : दि. 20 जानेवारी 2021 रोजी घेण्यात आलेल्या गडचिरोली जिल्ह्यातील 6 तालुक्यातील अंतिम मतदान टक्केवारी 78.08 टक्के नोंदविले गेली. निवडणूक विभागाकडून मिळालेल्या माहितीच्या आधारे सहा तालुक्यातील प्रत्यक्ष मतदान झालेल्या 150 ग्रामपंचायतींमध्ये  78.08 टक्के मतदान झाले आहे. या मतदानात चामोर्शी, मुलचेरा, अहेरी, एटापल्ली, भामरागड व सिरोंचा या तालुक्यातील 150 ग्रामपंचायतींमध्ये प्रत्यक्ष निवडणूका झाल्या. जिल्हयातील सहा तालुक्यांमधील 150 ग्रामपंचायतीमधील अंतिम आकडेवारी चामोर्शी 65 ग्रामपंचायती – 82.23 टक्के (एकुण- 101914- पु.43540 स्त्री.40266) मुलचेरा 14 ग्रामपंचायती – 80.41 टक्के (एकुण-31627 - पु.13109 स्त्री.12321) अहेरी 28 ग्रामपंचायती – 73.75 टक्के (एकुण-53691- पु.20381 स्त्री.19215) एटापल्ली 14 ग्रामपंचायती – 64.95 टक्के (एकुण-21939- पु.7869 स्त्री.6381) भामरागड 2 ग्रामपंचायती – 53.79 टक्के (एकुण- 2324- पु.730 स्त्री.520) सिरोंचा 27 ग्रामपंचायती – 80.48 टक्के (एकुण-33907- पु.14133 स्त्री.13154) एकुण 15...

क्रिकेट स्पर्धे दरम्यान युवकाला गंभीर जखमी करणाऱ्या गुंडावर  तात्काळ कारवाई करून गुन्हा दाखल करण्याबाबत उलगुलान संघटनेची मागणी. चंद्रपूर/मूल : -  दिनांक १०/१/२०२१ बजरंग सेना प्रस्तुत संतोष भाऊ रावत चषक भव्य अंडरआर्म टेनिस बॉल क्रिकेट स्पर्धेत काही गुंड प्रवृत्तीच्या युवकांनी क्रिकेट सामन्या दरम्यान एका तरुणाला जबरन मारहान केली आहे. अश्या काही गुंड प्रवृतीचे मुलांमूळे  मूल या  तालुक्याची  बदनामी  झाली आहे. मूल मध्ये दहशतिचे  वातावरण  पसरले आहे. तसेच ग्रामीण  भागातील  मुलांना मूल मध्ये येऊन खेळाची भीती झाली आहे. मूल  हा शांत तालुका असून येते भीतीचे वातावरण पसरले आहे.  क्रिकेट सामना खेळायला आलेल्या युवकांना काही शुल्लक कारणावरून मूल येथील काही गुंड प्रवृत्तीच्या युवकांनी जबर जखमी करून त्याच्या डोक्यात गाडीची चावी घुसवली व लोखंडी राळणे मारहाण केली. तसेच त्या युवकांना सोडवण्यासाठी गेलेल्या व्यक्तींना सुद्धा जबर मारहाण केली. सदर क्रिकेट स्पर्धेला कोणतीही परवानगी नसताना आयोजकांनी हा क्रिकेट सामना भरविला कसा हा मोठा प्रश्न ...

जिल्ह्यातील आरोग्य सुविधांबाबत घेतला आढावा गडचिरोली : -  दि.10: राज्याचे सार्वजनिक आरोग्य, राज्यमंत्री राजेंद्र पाटील यड्रावकर यांनी राज्यात शासकीय दवाखान्यांच्या फायर ऑडीटसाठी लागणारा निधी कमी पडू देणार नाही असे प्रतिपादन केले. ते गडचिरोली येथे आरोग्य  विषयक सुविधांचा आढावा घेण्यासाठी आले होते. ते म्हणाले भंडारा जिल्ह्यातील दु:खद घटनेमुळे शासनाने राज्यातील शासकीय दवाखान्यांचे फायर ऑडीट करण्याचे निर्देश दिले. सदर काम तातडीने पुर्ण होण्यासाठी निधीची कमतरता राहणार नाही. राज्यमंत्री राजेंद्र पाटील यड्रावकर यांनी बैठकीनंतर पत्रकारांशी संवादही साधला. ज्या शासकीय रुग्णालयांचे फायर ऑडीट झाले नाही त्यांची तपासणी करण्याबाबत कालच राज्याचे मा. मुख्यमंत्री यांनी निर्देश दिले आहेत. ज्या ठिकाणी फायर ऑडीट होणे बाकी आहे अशा ठिकाणी ऑडीट प्रक्रिया तातडीने राबविण्याचे आदेश दिले जात आहेत. त्यासाठी आवश्यक निधी देणेबरोबरच पून्हा अशा दुर्देवी घटना घडू नयेत म्हणून त्यावर उपाययोजनाही राबविल्या जाव्यात असे आदेशही देण्यात येत आहेत असे ते पुढे म्हणाले. यावेळी जिल्हा शल्य चिकित्सक अनिल रुडे, अ...

मुंबई : -  दि. 7 : तारापूर अणुऊर्जा प्रकल्पाच्या पाच किलोमीटरच्या अंतरावर कोणतेही निवासस्थानांचे बांधकाम करण्यास परवानगी नसताना करण्यात आलेल्या बांधकामांवर कारवाई करण्यात यावी. या प्रकल्पाच्या परिसरात अशा प्रकारे बांधकाम होणे गंभीर आणि धोकादायक असल्याने याबाबत तातडीने कारवाई करावी आणि एक महिन्याच्या आत कारवाई अहवाल सादर करण्याचे निर्देश विधानसभा अध्यक्ष नाना पटोले यांनी दिले.              विधानभवनात पालघर येथील मौजे-तारापूर येथे 72 एकर सरकारी जमिनीवर बेकायदेशीररित्या केलेल्या हस्तांतरण आणि त्यावरील अनधिकृत बांधकामासंदर्भात बैठकीचे आयोजन करण्यात आले. या बैठकीस कोकण विभागाचे आयुक्त अण्णासाहेब मिसाळ, जिल्हाधिकारी माणिक गुरसाळ, प्रांत अधिकारी धनाजी तोरस्कर, महसुल विभागाचे उपसचिव अजित देशमुख, जितेंद्र राऊळ- अध्यक्ष तारापूर परिसर विकास समिती, पराग पष्टे - किसान मोर्चा अध्यक्ष आदिसह संबंधित अधिकारी आणि परिसरातील नागरिक उपस्थित होते.              विधानसभा अध्यक्ष नाना पटोले म्हणाले, सरकारी जमिन असून, येथे अशा...

मुंबई : -  दि. ७ : चेंबुर स.नं.१४ ठक्कर बाप्पा कॉलनी येथील कस्तुरबा सोसायटीच्या प्लॉट डेव्हलपमेंटच्या कामाबाबत तपासणी करुन नियमानुसार कार्यवाही करावी तसेच दोषींविरोधात फसवणुकीसंदर्भात तक्रार दाखल करावी. असे निर्देश विधानसभा अध्यक्ष श्री.नाना पटोले यांनी दिले.   कस्तुरबा सोसायटीच्या प्लॉट डेव्हलपमेंटचे कामासंदर्भात विधानभवन येथे बैठक झाली. यावेळी कोकण विभागाचे महसूल आयुक्त श्री.अण्णासाहेब मिसाळ, मुंबई उपनगर जिल्हाधिकारी मिलिंद बोरिकर, महसूल विभागाचे सह सचिव श्री.रमेश चव्हाण तसेच संबंधित अधिकारी उपस्थित होते.  मौजे चेंबुर स.नं.१४ ठक्कर बाप्पा कॉलनी येथील शासनाने प्रदान केलेल्या जमिनीवर कस्तुरबा नगर गृहनिर्माण संस्थेला ३ इमारतींचे बांधकाम करुन ७२ सभासदांना निवासाची व्यवस्था करण्यासाठी शासनाने संस्थेस जमिनीचा ताबा दिला होता. याबाबतचा करारनामा संस्थेने दि. १७ ऑक्टोबर, १९७७ रोजी केला होता. परंतु, संस्थेने अटी व शर्तीचा भंग केल्यामुळे शासनाने जमीन संस्थेकडून काढून घेतली व या अटी शर्ती ६ महिन्यांत नियमानुसार करुन घेण्याबाबत आदेशित करण्यात आले होते. परंतु आदेशाव...

पावनधाम, बंट संघ आणि बिलावार असोसिएशनच्या कोरोना योद्ध्यांचा सत्कार मुंबई : -  दि. 7 : देशावरील संकटाच्या काळात प्रत्येक नागरिकाने सेवा, करुणा आणि समर्पित भावनेने समाजसेवेचे कार्य केल्यास कोणत्याही संकटांवर मात करणे शक्य आहे. हे कोरोना योद्ध्यांच्या कार्यातून अधोरेखित होते, असे गौरवोद्गार राज्यपाल भगत सिंह कोश्यारी यांनी काढले. राज्यपाल श्री.कोश्यारी यांच्या हस्ते पोयसर जिमखानाद्वारा आयोजित पावनधाम कोविड केअर सेंटर, बंट संघ आणि बिलावार असोसिएशनच्या कोरोना योद्ध्यांचा सत्कार समारंभ राजभवन येथे झाला. यावेळी संस्थेच्या माध्यमातून डॉक्टर्स आणि आरोग्य क्षेत्रातील योद्ध्यांसह अविरत सेवा देणाऱ्या आजी-माजी अध्यक्षांचाही राज्यपालांच्या हस्ते सत्कार करण्यात आला. कोरोना योद्ध्यांचे अभिनंदन करत राज्यपाल श्री.कोश्यारी म्हणाले, कोरोना महामारीच्या काळात डॉक्टर, नर्स आणि आरोग्य यंत्रणेने जिवाची पर्वा न करता समाजासाठी काम केले यातून एकसंघ समाज उभा झाला. सर्वांनी अंत:करणातून समाजसेवा केली. अनेकांनी पशुसेवाही केली. हे कोरोना योद्ध्यांच्या कार्यातून अधोरेखीत होते. देशावरील संकटावेळी एकमे...

गडचिरोली : -  दि.08: महाराष्ट्र शासनाच्या क्रीडा व युवक सेवा, संचालनालय, पुणे अंतर्गत जिल्हा क्रीडा अधिकारी कार्यालय तथा जिल्हा क्रीडा परिषद, गडचिरोली यांचे संयुक्त विद्यमाने स्वामी विवेकानंद यांच्या जयंती निमित्त दिनांक 12 जानेवारी ते 19 जानेवारी 2021 पर्यंत युवा दिन व युवा सप्ताहाचे आयोजन करण्यात आले आहे.              युवांचा सर्वागीन विकास करणे आणि राष्ट्रीय व सामजिक कार्यात सहभागी होण्यासाठी युवकांना उद्युक्त करणे हा या कार्याक्रमाचा मुख्य उद्देश आहे. युवकांमध्ये वक्तीमत्व व नेतृत्व गुण विकसीत व्हावा. राष्ट्र उभारणीमध्ये युवकांची महत्वपुर्ण भुमीका असल्याने सामाजिक उपक्रम,आयोजन, नियोजनामध्ये युवांचा सहभाग वाढविणे. युवांनी केलेल्या कार्याचा यथोचित गौरव करणे, शारीरिक क्षमता व व्यायामाची आवड निर्माण करणे तसेच खेळाकडे आकर्षीत करणे, चर्चासत्र, परिसंवाद, युवा मेळावा, राष्ट्रीय एकात्मता उपक्रम इत्यादीच्या माध्यमातुन युवांना प्रोत्साहन देणे याकरीता विविध स्पर्धा व उपक्रमांचे आयोजन करण्यात आले आहे. यामध्ये निबंध स्पर्धा, वकृत्व स्पर्धा व चित...

गडचिरोली : -  दि.08: जिल्ह्यात कोरोना लसीकरणाबाबत तीन ठिकाणी पुर्वतयारी म्हणून यशस्वी प्रात्यक्षिक घेण्यात आले. यावेळी जिल्हाधिकारी दीपक सिंगला यांच्या उपस्थितीत शुभारंभ करण्यात आला. कोविड-19 आजाराचा प्रादुर्भाव लक्षात घेता प्रतिबंधात्मक उपाययोजनांचा एक भाग लसीकरण असून त्याकरीता पुर्वतयारी सुरु झालेली आहे. जिल्हाधिकारी दीपक सिंगला व मुख्य कार्यकारी अधिकारी कुमार आशिर्वाद यांच्या मार्गदर्शनाखाली जिल्ह्यातील जिल्हा सामान्य रुग्णालय, प्राथमिक आरोग्य केंद्र बोदली, ग्रामीण रूग्णलय धानोरा येथे कोविड लसीकरण प्रात्यक्षिक करण्यात आले. जिल्हाधिकारी दीपक सिंगला व मुख्य कार्यकारी अधिकारी कुमार आशिर्वाद यांनी लसीकरण प्रात्यक्षिकाची प्रत्यक्ष पाहणी करुन आरोग्य विभागातील अधिकारी व कर्मचारी यांना मार्गदर्शन केले. यावेळी प्रत्येक ठिकाणी 25 आरोग्य कर्मचारी यांना लसीकरणासाठी आमंत्रित करण्यात आले व त्यांच्यासोबत प्रात्यक्षिक पुर्ण केले. यावेळी लसीकरणाचा डोस देणे वगळता सर्व प्रक्रियांचे प्रात्यक्षिक पुर्ण करण्यात आले. लसीकरणावेळी आवश्यक तयारी घ्यावयाच्या खबरदारी याबाबत प्रात्यक्...

गडचिरोली : - दि.07: सार्वजनिक आरोग्य, वैद्यकीय शिक्षण, अन्न व औषध प्रशासन, वस्त्रोद्योग सांस्कृतिक कार्य राज्यमंत्री राजेंद्र पाटील यड्रावकर शनिवार, दि. 09.01.2021 रोजी दुपारी जिल्हा रेशीम कार्यालय, वडसा रोड, आरमोरी येथील रेशिम विभागाच्या तसर केंद्राला भेट देणार आहेत. रविवार, दि. 10.01.2021 रोजी सकाळी जिल्हा सार्वजनिक आरोग्य विभागाची  पोलीस विश्राम गृह, कॉम्पलेक्स, येथे आढावा बैठक घेणार आहेत. सकाळी खाजगी हॉस्पिटलच्या उद्घाटनस उपस्थिती.

सीमा भागातील मराठी महिला संपादकाना शासनाच्या अधिस्वीकृती पत्रिकेचे वितरण मुंबई  : - दि. 6 :  महाराष्ट्र-कर्नाटक सीमा लढ्यात मराठी माणसांची एकजूट काय आहे, हे दाखवूया. कर्नाटक सरकार ज्या पद्धतीने न्यायालयाचा अवमान करून सीमाभागात एक-एक पाऊल टाकत आहे. त्याच पद्धतीने महाराष्ट्र शासन यापुढे पावले टाकेल. त्यासाठी सर्वपक्षीयांची, सर्व नेत्यांची एकजूट करू या. सीमावासियांचा आक्रोश राज्यातील प्रत्येक जिल्ह्यात पोहचविण्यासाठी प्रयत्न करू, असे मुख्यमंत्री उद्धव ठाकरे यांनी सांगितले.  माहिती व जनसंपर्क महासंचालनालयामार्फत देण्यात येणारी अधिस्वीकृती पत्रिका पहिल्यांदाच सीमा भागातील मराठी वृत्तपत्रांच्या दोन महिला संपादकाना मंजूर करण्यात आली आहे. या पत्रिकांचे मुख्यमंत्री श्री. ठाकरे यांच्या हस्ते बेळगाव जिल्ह्यातील दैनिक वार्ताच्या संपादक श्रीमती क्रांती सुहास हुद्दार व दैनिक स्वतंत्र प्रगतीच्या संपादक श्रीमती बबिता राजेंद्र पोवार यांना वितरण करण्यात आले.  वर्षा निवासस्थान येथील समिती सभागृहात झालेल्या या समारंभास महाराष्ट्र-कर्नाटक सीमाप्रश्नी स्थापन समन्वय समितीचे स...

मुंबई : -  दि. 6 : औरंगाबाद जिल्ह्यातील फर्दापूर येथील छत्रपती शिवाजी महाराजांच्या स्मारकाला प्रशासकीय मान्यता,  ग्रामीण भागातील  विकास कामे, ग्रामविकास  विभागातर्फे देण्यात येणारे पुरस्कार यावर तात्काळ कार्यवाही करावी, असे निर्देश महसूल व ग्रामविकास राज्यमंत्री अब्दुल सत्तार यांनी ग्रामविकास विभागाच्या अधिकाऱ्यांना दिले.   ग्रामविकास विभागाच्या बांधकाम भवन येथे घेतलेल्या आढावा बैठकीत श्री.सत्तार बोलत होते. यावेळी ग्रामविकास विभागाचे उपसचिव उदय जाधव, उपसचिव प्रदीप जैन, उपसचिव  ए. के. गागरे,  उपसचिव माली, अवर सचिव चांदेकर, अवर सचिव सावणे, आदी उपस्थित होते. यावेळी विविध विकास कामासंदर्भात आढावा घेण्यात आला. बैठकीत औरंगाबाद जिल्ह्यातील फर्दापूर येथील छत्रपती शिवाजी महाराजांच्या स्मारकाला  प्रशासकीय मान्यता देणे तसेच ग्रामविकास विभागातर्फे देण्यात येणाऱ्या यशवंत पंचायतराज अभियान पुरस्कार, आदर्श ग्रामसेवक- ग्रामविस्तार अधिकारी पुरस्कार, आर. आर. आबा पाटील सुंदर ग्राम पुरस्कार, राजमाता जिजाऊ स्वावलंबन पुरस्कार, क्षेत्रीय गुणवंत अधिकरी-...

पत्रकार दिनानिमित्त संपादक, पत्रकारांचा राजभवन येथे सत्कार. मुंबई : -  दि. 6 : कोरोना महामारीच्या काळात अनेक अडचणींचा सामना करीत जनजागृतीचे कार्य पत्रकारांनी केले ही कौतुकास्पद बाब असून यापुढेही पत्रकारांनी महाराष्ट्र जागृतीचे कार्य सातत्याने करावे, असे आवाहन राज्यपाल भगतसिंह कोश्यारी यांनी केले. दर्पणकार आचार्य बाळशास्त्री जांभेकर यांच्या स्मृतीप्रित्यर्थ महाराष्ट्र राज्य मराठी पत्रकार संघातर्फे आयोजित पत्रकार दिन सोहळ्यानिमित्त राजभवन येथे राज्यपाल श्री.कोश्यारी यांच्या हस्ते उल्लेखनिय कार्य करणाऱ्या संपादक, पत्रकार तसेच समाजसेवाकांचा सत्कार करण्यात आला.   राज्यपाल भगत सिंह कोश्यारी म्हणाले, देशभरात पत्रकारांचे एक वेगळे स्थान आहे. जहा न पहुंचे सरकार, वहा पहुंचे पत्रकार असे पत्रकारांबद्दल सांगतात. डॉक्टर्स, पोलीस, याप्रमाणेच कोरोना काळात पत्रकारांनी मोलाचे योगदान दिले. देशावर कोणतेही संकट आले तर मतभेद दूर सारून एकजुटीने काम करण्याची देशाची संस्कृती आहे. त्याप्रमाणेच पत्रकारांकडून आपले कर्तव्य चांगल्यारितीने नेहमीच जपले जाईल, असा विश्वास श्री.कोश्यारी यांनी ...

चंद्रपूर/मुल : - जिल्हा परिषद प्राथमिक शाळा सोमनाथ (प्रकल्प ) येथे बुक व कॅलेंडर वाटप करण्यात आले या वेळी उलगुलान संघटना शाखा, मूल चे अध्यक्ष निखिल भाऊ वाढई,  बोद्ध विकास मंडळ चे अध्यक्ष शमिकांत भाऊ डोर्लीकर ,उपाध्यक्ष प्रणित पाल सचिव आकाश येसनकर, रोहित शेंडे, यांनी गरजू विद्यार्थ्यांना बुक वाटप करण्याचा उपक्रम राबविला. 3 जानेवारी महिला  क्रांतीज्योती सावित्रीबाई फुले यांच्या जयंतीच्या निमित्ताने उलगुलान संघटना शाखा मुल व बोद्ध विकास  मंडळ द्वारा ३००० नोटबुक व 200 कॅलेंडर चे वितरण करण्यात आले.        शिक्षणाचे आराध्य दैवत क्रांतीसुर्य महात्मा फुले तसेच क्रांतीज्योती सावित्रीबाई फुले यांनी बहुजनांच्या शिक्षणाचे दार उघडले. असंख्य हाल-अपेष्टा सहन करून शिक्षणाचे महत्त्व  या दोन्ही दाम्पत्यांनी पटवून दिले. त्यांच्यामुळेच आज महिलांनी शैक्षणिक क्षेत्रात गरूड झेप घेतली आहे. अशा या महान महामानवांच्या विचारांना प्रेरणा मिळावी तसेच गरीब व होतकरू विद्यार्थ्यांना एक छोटीशी मदत म्हणून उलगुलान संघटनेच्या पदाधिकाऱ्यांनी व बोद्ध विकास मंडळ ने नोटबुक व...

भामरागड : - ता.०६- महाराष्ट्र राज्य मराठी पत्रकार संघ तालुका भामरागडतर्फे दर्पणकार आचार्य बाळशास्त्री जांभेकर यांचे जयंती निमित्त पत्रकार दिन मोठ्या उत्साहात साजरा करण्यात आला.               ०६ जानेवारी २०२१ ला स्थानिक पत्रकार भवन येथे महाराष्ट्र राज्य मराठी पत्रकार संघाचे भामरागड तालुका अध्यक्ष ईश्वर परसलवार यांचे हस्ते दर्पणकार आचार्य बाळशास्त्री जांभेकर यांच्या प्रतिमेला पुष्पहार अर्पण करून व द्विप प्रज्वलित करण्यात आले. यावेळी श्रीकांत मोडक, लीलाधर कसारे, राजेन्द्र कोठारे,मनिष येमुलवार, गोविंद चक्रवर्ती, प्रदिप कर्मकार, महेन्द्र कोठारे, अविनाश नारनवरे इत्यादी पत्रकार बांधव उपस्थित होते.आचार्य बाळशास्त्री जांभेकर यांना अभिवादन करून मान्यवरांनी त्यांच्या कार्यावर प्रकाश टाकला.न्याहारीनंतर कार्यक्रमाची सांगता करण्यात आली.

गडचिरोली : -  दि.06: आज जिल्हयात 13 नवीन बाधित आढळून आले. तसेच आज 5 जणांनी कोरोनावर मात केल्याने त्यांना रूग्णालयातून घरी सोडण्यात आले. यामुळे जिल्हयातील आत्तापर्यंत बाधित 9121 पैकी कोरोनामुक्त झालेली संख्या 8833 वर पोहचली. तसेच सद्या 185 सक्रिय कोरोना बाधितांवर उपचार सुरू आहेत. आत्तापर्यंत जिल्हयात एकुण 103 जणांचा मृत्यू कोरोनामुळे झाल्याची नोंद आहे.  जिल्हयातील कोरोना रूग्ण बरे होण्याचे प्रमाण 96.84 टक्के, सक्रिय रूग्णांचे प्रमाण 2.03 टक्के तर मृत्यू दर 1.13 टक्के झाला. नवीन 13 बाधितांमध्ये गडचिरोली 7, अहेरी 0, आरमोरी 2, भामरागड 0, चामोर्शी 1, धानोरा 0, एटापल्ली 0, कोरची 1, कुरखेडा 0, मुलचेरा 0, सिरोंचा 1,  व वडसा येथील 1 जणांचा समावेश आहे.  आज कोरोनामुक्त झालेल्या 5 रूग्णांमध्ये गडचिरोली 3, अहेरी 0, आरमोरी 0, भामरागड 0, चामोर्शी 0, धानोरा 1, एटापल्ली 0, मुलचेरा 0, सिरोंचा 0, कोरची 0,  कुरखेडा 0, व वडसा मधील 1 जणाचा समावेश आहे. नवीन बाधितामध्ये गडचिरोली तालुक्यातील शासकीय इंग्रजी शाळा 2, नवेगाव कॉम्पलेक्स 2, कॅम्प एरिया 1, अहेरी तालुक्यातील बाधिताम...

 गडचिरोली : -  दि.06: समाज कल्याण विभाग व बहुजन कल्याण विभागाअंतर्गत राबविण्यात येणारी भारत सरकार मॅट्रीकोत्तर शिष्यवृत्ती /शिक्षण शुल्क व परिक्षा शुल्क व सर्व शिष्यवृत्ती योजने अंतर्गत अनु.जाती, इमावविमाप्र व विजाभज प्रवर्गातील शैक्षणिक सत्र 2020-21 मध्ये प्रवेशित विद्यार्थ्यांकडुन महाडिबीटी ऑनलाईनप्रणालीवर नवीन फ्रेश/ नुतनीकरण अर्ज नोंदणी व सादरीकरणाची प्रक्रिया तसेच सन 2019-20 या शैक्षणिकसत्रातील प्रलंबित विद्यार्थ्यांकरीता पुनश्च (रि-अप्लाय) अर्ज करण्याकरीता दिनांक 03 डिसेंबर 2020 पासुनमहाडिबीटी ऑनलाईन प्रणाली सुरु झालेली आहे. महाविद्यालयांने विद्यार्थ्यांना मार्गदर्शन करुन लवकरातलवकर अर्ज भरण्याची कार्यवाही करुन घ्यावी. महाडिबीटी प्रणालीवर मार्गदर्शक तत्वे व अर्ज सादरकरण्याच्या प्रक्रियेचे नियम यासाठी सर्व महाविद्यालयाचे प्राचार्य तसेच विद्यार्थी व पालकवर्ग यांनी अधिकसविस्तर माहितीसाठी पुढील संकेतस्थळाला भेट द्यावी. https://mahadbtmahait.gov.in/Home/Index               सदर योजनेच्या अटी व शर्ती शासन निर्णयानुसार लाग...

गडचिरोली : -  दि.06: जिल्हा पत्रकार संघ, गडचिरोलीच्या वतीने दर्पणकार बाळशास्त्री जांभेकर यांच्या जयंतीचा कार्यक्रम ज्येष्ठ पत्रकार कांतीभाई सूचक यांच्या अध्यक्षतेखाली पार पडला. दर्पणकार बाळशास्त्री जांभेकर यांच्या प्रतिमेचे पुष्पहार घालून पुजन करण्यात आले. कार्यक्रमाचे प्रमुख अतिथी  मुकुंद जोशी, केशवराव दशमुखे, नरेंद्र माहेश्वरी, हर्षद निमजे, जिल्हा माहिती कार्यालयातील  महादेव बसेना यांची मंचावर उपस्थिती होती. सदर कार्यक्रमात कु. करिष्मा नरेंद्र माहेश्वरी हिचा सत्कार करण्यात आला. कु.करिष्मा माहेश्वरी या दिव्यांग विद्यार्थिनींने राज्यातील सर्वात उंच असलेले कळसुबाई शिखर सर करुन नावलौकीक केला आहे. या कामगिरीबद्दल  गडचिरोली जिल्हा पत्रकार संघाकडून तिचा सत्कार करण्यात आला आहे. तसेच हर्ष अमित सुचक यांनी शिष्यवृत्ती परिक्षेत जिल्ह्यातून प्रथम क्रमांक पटकविल्यामुळे यावेळी हयाचाही सत्कार करण्यात आला.  यावेळी विक्टोरिया ॲकाडमी चे संचालक हर्षद  निमजे यांचा शाल व श्रीफळ देऊन सत्कार करण्यात आला.         यावेळी ज्येष्ठ पत्रकार...

गडचिरोली : -  दि.06: शासन निर्देशाप्रमाणे कोविड-१९ साथरोग अंतर्गत मिशन बिगीन अंतर्गत वेळोवेळी सुरू केलेल्या व प्रतिबंधित बाबींना जिल्हा गडचिरोली सीमा क्षेत्रात 31 जानेवारी 2021 पर्यंत वाढ करण्यात आली आहे. जिल्हाधिकारी कार्यालयाकडून या बाबत आदेश निर्गमित करण्यात आले आहेत. यापुर्वी ज्या बाबींना सुरू ठेवण्यासाठी परवानगी देण्यात आली होती त्या सुरूच राहतील मात्र ज्या बाबींना परवानगी देण्यात आली नाही त्या बाबी या आदेशान्वये 31 जानेवारी 2021 पर्यंत बंदच राहतील असे आदेशात नमूद करण्यात आले आहे. तसेच जिल्हा आपत्ती व्यवस्थापन तसेच प्रशासनाकडून कोरोना संसर्गाबाबत खबरदारीच्या उपाय योजनांबाबत वेळोवेळी दिलेल्या मार्गदर्शक सुचनांचे पालन करणे सर्वांना बंधनकारक असणार आहे.  यात्रा, जत्रा भरविण्यासाठी परवानगी आवश्यक : जिल्हयात कोणत्याही गावात यात्रा जत्रा भरविण्यासाठी प्रशासनाची पुर्व परवानगी आश्यक असल्याचे सदर आदेशामध्ये नमुद करण्यात आले आहे. येत्या वर्षात कोणत्या गावात कधी यात्रा आहेत तसेच त्याबाबतची माहिती प्रशासनाकडून एकत्रित करण्याचे कार्य सुरू करण्यात आले आहे. प्रत्येक गावातील ...

दिक्षा झाडे - तालुका प्रतिनिधी, एटापल्ली एटापल्ली : येथील भारतीय स्टेट बँकेच्या शाखेत इंटरनेट सेवा सुरळीत राहत नाही. तसेच कर्मचाऱ्यांची कमतरता असल्याने नागरिकांना नाहक त्रास सहन करावा लागतो. त्यामुळे इंटरनेट सेवा सुरळीत करावी व कर्मचाऱ्यांची पूर्तता करण्यात यावी, अन्यथा ७ जानेवारी २०२१ रोजी बँक शाखेला कुलूप ठोकण्यात येईल, असा इशारा व्यापारी संघटना एटापल्लीच्या वतीने देण्यात आला आहे. मात्र, बँक प्रशासनाकडून या मागणीकडे दुर्लक्ष केले जात आहे. परिणामी, शाखेतील कामकाजाची गती मंदावली असून याचा फटका नागरिकांना सहन करावा लागत आहे. यासंदर्भात २१ नोव्हेंबर २०२० रोजी निवेदन देऊन दहा दिवसात समस्यांची सोडवणूक करण्याची मागणी करण्यात आली होती. परंतु, निवेदन देऊन तब्बल महिना भराचा कालावधी लोटूनही या विनंतीकडे दुर्लक्ष केले जात आहे.  त्यामुळे ७ जानेवारी २०२१ रोजी बँकेला कुलूप ठोकण्यात येईल, असा इशारा संघटनेचे अध्यक्ष महेश पुल्लूरवार, सचिन मोतकुरवार,संदीप सेलवटकर, सुरेश बारसागडे, शरिफ शेख,  यांनी दिला आहे. सदर निवेदन बँकेचे शाखा व्यवस्थापक, तहसीलदार व पोलीस निरीक्षक यांना देण्यात ...

गडचिरोली : - दि.05:  प्रादेशिक हवामान केंद्र नागपूर विभागाने जिल्हयात 7 व 8 जानेवारी रोजी एक दोन ठिकाणी हलक्या व मध्यम स्वरुपात पावसाची शक्यता वर्तविली आहे. याबाबत नागरिकांनी उचित काळजी घेण्याचे आवाहन जिल्हा आपत्ती विभागामार्फत करण्यात आले आहे.

गडचिरोली : - दि.05: आज जिल्हयात 14 नवीन बाधित आढळून आले. तसेच आज 16 जणांनी कोरोनावर मात केल्याने त्यांना रूग्णालयातून घरी सोडण्यात आले. यामुळे जिल्हयातील आत्तापर्यंत बाधित 9108 पैकी कोरोनामुक्त झालेली संख्या 8828 वर पोहचली. तसेच सद्या 177 सक्रिय कोरोना बाधितांवर उपचार सुरू आहेत. आत्तापर्यंत जिल्हयात एकुण 103 जणांचा मृत्यू कोरोनामुळे झाल्याची नोंद आहे.  जिल्हयातील कोरोना रूग्ण बरे होण्याचे प्रमाण 96.93 टक्के, सक्रिय रूग्णांचे प्रमाण 1.94 टक्के तर मृत्यू दर 1.13 टक्के झाला. नवीन 14 बाधितांमध्ये गडचिरोली 5, अहेरी 2, आरमोरी 0, भामरागड 0, चामोर्शी 2, धानोरा 1, एटापल्ली 0, कोरची 0, कुरखेडा 0, मुलचेरा 0, सिरोंचा 0,  व वडसा येथील 4 जणांचा समावेश आहे.  आज कोरोनामुक्त झालेल्या 16 रूग्णांमध्ये गडचिरोली 6, अहेरी 7, आरमोरी 0, भामरागड 0, चामोर्शी 0, धानोरा 0, एटापल्ली 0, मुलचेरा 0, सिरोंचा 0, कोरची 0,  कुरखेडा 0, व वडसा मधील 3 जणाचा समावेश आहे. नवीन बाधितामध्ये गडचिरोली तालुक्यातील आयटीआय चौक 01, रामपूरी वार्ड कॉम्प ऐरिया 01, कम्मवार वार्ड 01, अहेरी तालुक्यातील बाधिता...

गडचिरोली : -  दि.05: मा.हरित लवाद, नवी दिल्ली येते मागुर माश्याबाबत, ओरिजिनल अँप्लिकेशन no.381ऑफ 2018 याचिकेच्या दिनांक 22 जानेवारी 2019 रोजीच्या पारित केलेल्या आदेशानुसार मा. राष्ट्रीयहरित लवाद, नवी दिल्ली यांनी मागूर माश्याच्या प्रजनन, मत्स्यपालन, वाहतूक व विक्री करण्यवार बंदी घातली आहे.          प्रतिबंधीत थाई मागूर (Clarias gariepenius) हा वाघूर, मगर, मागुरी या नावानेही ओळखला जातो. हा मासा पूर्णतः मांसाहारी असुन पाण्यातील नैसर्गिक परिसंस्था व जैवविवीदतांसाठी अत्यंत घातक आहे. हायब्रीड मागूर माश्याच्या खाद्य पद्धतीमुळे हा मासा नैसर्गिक परिसंस्था मध्ये असलेल्या इतर स्वदेशी माश्यांकरिता हानिकारक ठरत आहे. हा मासा अनाधिकृतरित्या भारतात दाखल करण्यात आला. आणि अनेक शास्त्रीय अभ्यासातुन अशे निदर्शनास आलेले आहे की विदेशी मागूर माश्याचे सेवन हे शरीरासाठी अयोग्य व रोग निर्मीतीला प्रेरित करु शकते व यामुळे कॅन्सर सारखे गंभीर रोग सुध्दा निर्माण होऊ शकतात.           विदेशी थाई मागूर वर बंदी का ? हा मासा पुर्णता मांसाहारी असल्या...

मुंबई : -  दि. 4 : राज्याच्या सहकार, ग्रामविकास या क्षेत्रांसह सामान्यांच्या जीवनाशी निगडीत महत्वपूर्ण विषयांतील अभ्यासू आणि मार्गदर्शक नेतृत्व हरपले आहे, अशा शब्दांत मुख्यमंत्री उद्धव ठाकरे यांनी माजी मंत्री ज्येष्ठ नेते विलासराव पाटील- उंडाळकर यांना श्रद्धांजली अर्पण केली आहे. मुख्यमंत्री श्री.ठाकरे शोकसंदेशात म्हणतात, स्वातंत्र्यसेनानी कुटुंबांचा वारसा जपत विलासकाका यांनी सुरू केलेली राजकीय वाटचाल समाजकारणाशी जोडलेली होती. राज्याच्या मंत्रिमंडळात त्यांनी विविध जबाबदाऱ्या सांभाळून सहकार, ग्रामविकास, जलसंधारण या क्षेत्रात भरीव काम केले. अनेक संस्था आणि सामाजिक उपक्रमांना त्यांनी जाणीवपूर्वक बळ दिले. विविध विषयांतील गाढा अभ्यास आणि परखडपणामुळे ते अनेकांसाठी  मार्गदर्शक व्यक्तिमत्व होते. त्यांच्या निधनामुळे राज्याच्या राजकारण-समाजकारणातील दोन पिढ्यांना जोडणारे मार्गदर्शक नेतृत्व हरपले आहे. ज्येष्ठ नेते माजी मंत्री विलासराव पाटील-उंडाळकर यांना विनम्र श्रद्धांजली.

मुंबई : -  दि. 4 : पुणे शहरात नव्याने समाविष्ट होणाऱ्या गावांसह वाढते शहरीकरण लक्षात घेऊन पुणे शहर आणि ग्रामीण पोलीस दलातील पोलीस ठाण्यांच्या विभाजनाला मान्यता देण्यात आली. तसेच कायदा-सुव्यवस्था राखण्याच्यादृष्टीने पुणे जिल्ह्यातील वाघोली, ऊरळीकांचन, बाणेर, काळेपडळ, खराडी, फुरसुंगी, म्हाळुंगे, रावेत आणि शिरगाव या नवीन पोलीस ठाण्यांना मंजूरी देण्याचा निर्णय उपमुख्यमंत्री अजित पवार यांच्या अध्यक्षतेखाली मंत्रालयात झालेल्या बैठकीत घेण्यात आला. पुणे जिल्ह्यातील कायदा सुव्यवस्था अबाधित राखण्याच्या सूचना उपमुख्यमंत्री अजित पवार यांनी यावेळी पोलीस दलाला दिल्या.                मंत्रालयात उपमुख्यमंत्री अजित पवार यांच्या अध्यक्षतेखाली झालेल्या बैठकीस गृहमंत्री अनिल देशमुख यांची प्रमुख उपस्थिती होती. यावेळी आमदार अशोक पवार, आमदार सुनील टिंगरे, आमदार चेतन तुपे, गृह विभागाचे अपरमुख्य सचिव सीताराम कुंटे, वित्त विभागाचे अपरमुख्य सचिव देबाशिष चक्रवर्ती, पोलीस महासंचालक सुबोध जयस्वाल, वित्त विभागाचे सचिव राजीव मित्तल, ‘पीएमआरडीएचे’ आयुक्त सुहास दि...