जिल्हास्तरीय युवा महोत्सवाला उत्स्फुर्त प्रतिसाद.

गडचिरोली,दि.30: महाराष्ट्र शासनाच्या क्रीडा व युवक सेवा, संचालनालय महाराष्ट्र राज्य पुणे अंतर्गत जिल्हा क्रीडा अधिकारी कार्यालय, गडचिरोली तथा जिल्हा क्रीडा परिषद, गडचिरोलीच्यावतीने जिल्हा क्रीडा अधिकारी घनश्याम राठोड यांचे मार्गदर्शनात जिल्हास्तरीय ऑनलाईन युवा महोत्सवाचे यशस्वी आयोजन करण्यात आले आहे.

सदर ऑनलाईन युवा महोत्सवाला गडचिरोली जिल्ह्यातून स्पर्धकांनी उत्स्फुर्त प्रतिसाद दिला. यावेळी परिक्षक व अतिथी म्हणुन संजय धात्रक,  प्रशांत म्हश्याखेत्री व श्रीमती अश्विनी भोयर उपस्थित होते. कोरोनाच्या पार्श्वभुमीवर आयुक्त, क्रीडा व युवक सेवा संचालनालय, महाराष्ट्र राज्य, पुणे यांचे सुचनेनुसार जिल्ह्यामध्ये सदर युवा महोत्सव ऑनलाईन पद्धतीने घेण्यात आला. सदर महोत्सवात लोकनृत्य व लोकगीत या स्पर्धेचे आयोजन करण्यात आले होते. सदर स्पर्धेत लोकनृत्य या स्पर्धेत अनुप डान्स ग्रुप, सिमुलतला (घोट) ता.चामोर्शी जि.गडचिरोलीच्या स्पर्धकांने प्रथम क्रमांक प्राप्त केला आहे. नागपूर येथे होणाऱ्या विभागस्तरीय स्पर्धेमध्ये सदर स्पर्धक सहभागी होणार आहे. कार्यक्रमाचे प्रास्तावीक व संचालन खुशाल म्हस्के यांनी केले तर आभार प्रदर्शन विशाल लोणारे यांनी केले. कार्यक्रमाच्या यशस्वितेकरीता जिल्हा क्रीडा अधिकारी कार्यालयातील क्रीडा अधिकारी घनश्याम वरारकर, क्रीडा अधिकारी संदीप खोब्रागडे, महेंद्र रामटेके, कुणाल मानकर, चंद्रकांत आत्राम यांनी परिश्रम घेतले. असे जिल्हा क्रीडा अधिकारी, गडचिरोली यांनी कळविले आहे.