जिल्हाधिकारी कार्यालय येथे 'जागतिक ग्राहक हक्क दिन' उत्साहात साजरा
सुधाकर पवार, जिल्हा पुरवठा अधिकारी, गडचिरोली यांनी प्रस्ताविक केले असून या आधुनिक काळात सायबर क्राईम व्दारे होणाऱ्या फसवणुकी पासुन सावधानता कशी बाळगावी त्याकरीता आवश्यक उपाययोजना कश्या कराव्या याबाबत अतिशय चांगली माहिती श्रीमती नेहा हांडे, पी.एस. आय. सायबर सेल, पोलीस अधिक्षक कार्यालय, गडचिरोली यांनी दिली आहे. तसेच इतर वक्त्यांनी सांगितले की, "बदलत्या काळात बाजारपेठ विस्तारत असताना ग्राहकांनी केवळ वस्तू खरेदी न करता, त्यातील गुणवत्ता, किंमत आणि सुरक्षेबाबत सजग राहणे गरजेचे आहे. 'ग्राहक राजा' संकल्पना प्रत्यक्षात येण्यासाठी हक्कांसोबतच कर्तव्याची जोड हवी" आहे. तसेच ग्राहकांवर अन्याय झाल्यास स्वतः पुढाकार घेऊन जिल्हा ग्राहक तक्रार निवारण आयोग, गडचिरोली यांच्याकडे रीतसर तक्रार नोंदविणे आवश्यक असल्याचे मत सादिक झवेरी, माजी अध्यक्ष, जिल्हा ग्राहक तक्रार निवारण आयोग, गडचिरोली यांनी व्यक्त केले. जेणेकरून त्यांना न्याय देण्यास मदत होईल.
जागतिक ग्राहक हक्क दिनाचे प्रबोधन व्हावे या दृष्टीकोनातून अन्न व औषध प्रशासन विभाग, गडचिरोली, वैधमापन शास्त्र विभाग, गडचिरोली, प्रादेशिक परिवहन विभाग, गडचिरोली, भारत संचार निगम लिमीटेड, श्री. गॅस एजन्सी, गडचिरोली, कृषी विभाग, गडचिरोली यांचेमार्फत प्रदर्शनी लावण्यात आली होती.
सदर कार्यक्रमाचे सुत्रसंचालन रुपचंद फुलझेले यांनी केले तर आभार प्रदर्शन श्रीमती अश्विनी आसवले जिल्हा पुरवठा कार्यालय, गडचिरोली यांनी केले. सदर आयोजित प्रदर्शनी करीता गडचिरोली जिल्हयातील नागरीकांचा उत्सफूर्त सहभाग होता.
टिप्पण्या
टिप्पणी पोस्ट करा