महाराष्ट्र पर्यटन विभागाद्वारे टूर गाईड प्रशिक्षणाचे आयोजन

-
गडचिरोली, (जिमाका) दि.२५: महाराष्ट्र शासनाच्या पर्यटन विभागाअंतर्गत पर्यटन स्थळाच्या ठिकाणी पर्यटकांसाठी दूर गाईडची व्यवस्था करणे व स्थानिक युवकांना रोजगार मिळवून देण्याच्या हेतूने पर्यटन सुलभ मार्गदर्शक (ट्रॅव्हल्स गाईड) प्रशिक्षण (Soft Skill Training Programme) कार्यक्रम राबविण्यात येणार आहे.

यामध्ये Basic Training. Advance Training आणि Soft Skill Training या प्रकारच्या प्रशिक्षणाचा समावेश आहे. Basic Training करीता २०० टूर गाईड्स, Advance Training करीता १०० टूर गाईड्स आणि Soft Skill Training करीता पर्यटन क्षेत्राशी संबंधित उद्योगांमधील सहभागधारक टूर ऑपरेटर, हाऊसकिपीग अटेंडेंट, फूड अँड बेव्हरेज सर्व्हिस असिस्टंट, इ. संबंधित १५० व्यक्तींना प्रशिक्षण देण्यात येणार आहे.

इंडियन इंन्स्टिट्यूट ऑफ टुरिझम व ट्रॅव्हल मॅनेजमेंट (Indian Institute of Tourism and Travel Management), ग्वालियर तसेच महाराष्ट्र पर्यटन संचालनालयातील तज्ञ प्रशिक्षणार्थीना मार्गदर्शन करतील. सात दिवसांचा प्रशिक्षण कालावधी पूर्ण केल्यावर प्रशिक्षणार्थीना महाराष्ट्र पर्यटन संचालनालयातर्फे (DoT) प्रमाणपत्र व टूर गाईड म्हणून काम करण्यासाठी ओळखपत्र देण्यात येईल.

पात्रता निकष :

वय मर्यादा: किमान १८ वर्षे व कमाल ४५ वर्षे
त्यानुषंगाने नागपूर विभागातील नागपूर, भंडारा, गोंदिया, वर्धा, चंद्रपूर, गडचिरोली या जिल्ह्यातील अधिकाधिक युवक-युवतींनी संबंधित पर्यटन व्यवसायिकांना सदर प्रशिक्षण उपक्रमाचा लाभ घ्यावा, असे आवाहन प्रशांत सवाई, उपसंचालक, पर्यटन संचालनालय (DoT), नागपूर यांनी केले आहे.

इच्छूकांनी खालील गुगल लिंग वर ३१ मार्च २०२६ पर्यंत अर्ज करावा. प्रथम येणाऱ्यास प्राधान्य देण्यात येईल.
https://docs.google.com/forms/d/e/RFAIpQLSf७D६३MQPFJRZROp८nGRfKFP५९-
ZcdUtdl3Xg3FJygnTXxQhQ/viewform?usp=dialog

टिप्पण्या

टिप्पणी पोस्ट करा

या ब्लॉगवरील लोकप्रिय पोस्ट

सुरजागड पहाडीवरून लोहखनिज वाहतूक करणाऱ्या ट्रक व स्कॉर्पिओ गाडीचा भीषण अपघात.

-
इमेज
वेलगुर (ता. अहेरी, जि. गडचिरोली), दि. ०४ जुलै २०२५ रोजी दुपारी-१२.३० वाजताच्या सुमारास अहेरी तालुक्यातील वेलगुर टोला वळणाजवळ एक भीषण अपघात घडला. सुरजागड खाणीतून लोहखनिज वाहतूक करणारा ट्रक (MH-३४ BZ-६८०२) आणि स्कॉर्पिओ (MH-३३ Y-९९९१) यांच्यात समोरासमोर जोरदार धडक झाली. अपघातात स्कॉर्पिओ गाडीचा अक्षरशः समोरील उजव्या बाजूचा चक्काचूर झाला. सदर स्कॉर्पिओ गाडी अमीत येनपेरेड्डीवार यांची असून, ते स्वतः चालक होते. त्यांच्या सोबत विशेष भटपलीवार हे देखील गाडीत होते. अपघातामुळे काही वेळ वाहतूक ठप्प झाली होती. दरम्यान, लोहखनिज वाहतूक करणाऱ्या ट्रकची वेगमर्यादा, ओव्हरलोडिंग व रस्त्याची धोकादायक स्थिती हे संभाव्य कारण म्हणून स्थानिकांकडून चर्चिले जात आहे.
अधिक वाचा

छल्लेवाडा गावातील महिलांचा अवैध दारू विक्रीविरोधात पोलिसांना दिली तक्रार.

-
इमेज
छल्लेवाडा (ता. अहेरी, जि. गडचिरोली) दि-19/07/2025 – महाराष्ट्र शासनाने गडचिरोली जिल्ह्यात दारूबंदी लागू करून तब्बल ३० वर्षे उलटली असताना, अजूनही अनेक गावांमध्ये अवैधरित्या दारू तयार करून खुलेआम विक्री केली जात असल्याचे वास्तव समोर येत आहे. याच पार्श्वभूमीवर छल्लेवाडा येथील महिला प्रतिनिधींनी गावातील वाढत्या अवैध दारू विक्रीविरोधात उप पोलीस स्टेशन रेपनपल्ली येथे लेखी तक्रार दाखल केली आहे. तक्रारीत नमूद करण्यात आले आहे की, काही व्यक्ती गावातच साखर व गुळाचा वापर करून घरगुती पद्धतीने दारू बनवत असून, याशिवाय बाहेरगावाहूनही कंपनीत तयार होणारी दारू बेकायदेशीररीत्या आणून विक्री केली जात आहे. यामुळे गावातील युवकांमध्ये व्यसनाधीनता वाढत असून, कौटुंबिक कलह, महिलांवर अत्याचार, शिवीगाळ आणि वृद्ध नागरिकांवर मारहाणीचे प्रमाण झपाट्याने वाढले आहे. महिलांनी आपल्या निवेदनात मागणी केली आहे की, गावामध्ये अवैधरीत्या तयार आणि बाहेरून आणली जाणारी दारू तात्काळ बंद करण्यात यावी. महाराष्ट्र दारूबंदी अधिनियम 1949 अंतर्गत दोषींवर कठोर गुन्हे दाखल करून कारवाई करण्यात यावी. तसेच गावात पोलीस ग...
अधिक वाचा

नगरपंचायत कार्यालय मध्ये दबाव निर्माण करणारे अवैध बोर्ड हटवा.भाकपाकडून गुन्हा दाखल करण्याचा इशारा.

-
इमेज
एटापल्ली (प्रतिनिधी): एटापल्ली नगरपंचायत कार्यालयाच्या भिंतीवर  लावण्यात आलेले भारतीय न्याय संहिता (BNS) कायद्यावरील बॅनर चांगलाच वादग्रस्त ठरला आहे. सामान्य जनतेमध्ये भीती निर्माण करणाऱ्या या बॅनरविरोधात भारतीय कम्युनिस्ट पक्ष (भाकपा) व ऑल इंडिया युथ फेडरेशन (AIYF)ने तीव्र निषेध व्यक्त केला असून,नगराध्यक्ष व नगरपंचायत अधिकाऱ्यांविरोधात गुन्हा दाखल करण्याचा इशारा देण्यात आला आहे. सदर बॅनरमध्ये BNS अंतर्गत काही निवडक कलमे जसे की – कलम 69 (सरकारी कामात अडथळा), कलम 356 (वाद घालणे), कलम 117 व 120 (मारहाण), कलम 324 (गर्दी करणे) आदींचा उल्लेख करत, सरकारी कर्मचाऱ्यांना अडथळा आणल्यास शिक्षेची भीती दाखवण्यात आली आहे. भाकपाचे जिल्हा सहसचिव कॉ. सचिन मोतकुरवार यांनी म्हटले. सदर बॅनर शासन निर्णयाशिवाय लावण्यात आला असून, तो बेकायदेशीर आहे. नगरपंचायत सारख्या शासकीय व सार्वजनिक कार्यालयात असा बॅनर लावणे म्हणजेच जनतेला दडपून टाकण्याचा प्रयत्न आहे. त्यांनी पुढे सांगितले की, हा बॅनर लोकशाही मूल्यांच्या विरोधात असून, जनतेच्या अभिव्यक्ती स्वातंत्र्यावर थेट आघात आहे. नागरिक जर कार्यालयात येऊ...
अधिक वाचा