एटापल्ली तालुक्यात राष्ट्रवादीत नाराजीचे सुर - मनिष भाऊ दुर्गे यांचे खच्चीकरणाचा आरोप.
सदर बैठकीत सहभागी कार्यकर्त्यांनी स्पष्ट शब्दांत सांगितले की, "विधानसभा निवडणुकीत गावोगावी जाऊन आम्ही आमदार मा. धर्मराव बाबा आत्राम यांच्यासाठी झटून प्रचार केला. मात्र, आमच्या नेत्याला तालुका कार्यकारिणी अध्यक्ष पदावरून कटकारस्थान करून हटवले गेले, यामुळे आम्ही खचलेलो आहोत."
बैठकीत पक्षातील अंतर्गत दुजाभाव, गटबाजी आणि कार्यकर्त्यांना दुर्लक्षित करण्याच्या घटनांवर तीव्र नाराजी व्यक्त करण्यात आली. अनेक कार्यकर्त्यांनी भावनिक स्वरात सांगितले की, "नेतृत्वावर अन्याय झाला, तर आमचे भवितव्य काय?"
या बैठकीत पुढील भूमिका ठरवण्यासाठी एकमताने पुढील आंदोलनात्मक कार्यक्रमाची शक्यता वर्तवण्यात आली. उपस्थितांनी ठामपणे सांगितले की, पक्षाकडून जर न्याय मिळाला नाही, तर आमच्या पुढील वाटचालीसाठी आम्ही स्वतंत्र निर्णय घेण्यास भाग पडलो जाऊ.
ही बैठक कार्यकर्त्यांमध्ये नवीन ऊर्जा आणि एकजूट निर्माण करणारी ठरली असून, आगामी काळात एटापल्ली तालुक्यातील राष्ट्रवादी पक्षासाठी ही परिस्थिती चिंतेची ठरू शकते, असे राजकीय निरीक्षकांचे म्हणणे आहे.
टिप्पण्या
टिप्पणी पोस्ट करा