24 मार्च 2021 जागतिक क्षयरोग दिन जिल्हयाला भविष्यात क्षयरोग मुक्त करण्याचे जिल्हाधिकारी यांनी केले आवाहन.
या रोगाने संपूर्ण जगाला विळखा घातलेला आहे. या रोगाला आटोक्यात आणण्यासाठी प्रत्येक देशातील शासन आपले स्थरावर अथक प्रयत्न करीत आहे. भारतामध्ये राष्ट्रीय क्षयरोग नियंत्रण कार्यक्रम सन 1962 पासून प्रस्थापित जिल्हा क्षयरोग केंद्रे प्राथमिक आरोग्य केंद्र तसेच जिल्हा क्षयरोग दवाखान्यामध्ये राबविला जात आहे. प्रांरभीच्या काळापासूनच या कार्यक्रमाची सांगड सर्वसामान्य आरोग्य सेवांशी घालण्यात आली होती आणि क्षयरोग विषयक सेवांचे वितरण प्राथमिक सेवांच्या माध्यमातून करण्यात येत होते.
आरोग्य सेवा सामान्य जनतेपर्यंत पोचविण्यात आपण अग्रेसर आहोत. आरोग्य विभागाची यंत्रणा महाराष्ट्रातल्या प्रत्येक गावागावात पोचलेली आहे. त्यामुळे अनेक रोगाचे समुळ उच्चाटन करण्यात यश आले आहे. परंतु क्षयरोगावर अदयापही पुर्णपणे नियंत्रण ठेवणे शक्य झाले नाही ही चिंताजनक बाब आहे.
तसेच मागील वर्षी माहे मार्च पासुन आलेल्या कोरोना महामारीमुळे क्षयरोग कार्यक्रमावर बराच परिणाम झालेला दिसुन येतो . कारण्‍ कोरोनाचे लक्षणे व क्षयरोगाच्य लक्षणामध्ये बरेच साम्य असल्यामुळे नागरीक लक्षण असतांना सुध्दा क्षयरोगाची तपासणी करण्यास घाबरु लागले आहे. पण असे करुन आपण आपला इतरांचा जिव धोक्यात टाकत आहो कारण एक क्षयरोग्ण उपचाराविणा राहीला तर तो वर्षभरामध्ये त्याच्यासारखे पंधरा रुग्ण तयार करत असतो.
राष्ट्रीय क्षयरोग दुरीकरण कार्यक्रम उद्दिष्टये हे 2025 पर्यंत आपल्या भारतातून नष्ट करावयाचे असुन प्रत्येक नागरीकांनी क्षयरोगाविषयीची माहिती घेऊन त्याची जनजागृती करावी.
क्षयरोगाचे लक्षणे - दोन आठवडे किंवा त्यापेक्षा जास्त दिवसाचा खोकला , संध्याकाळी हलकासा ताप, वजनात घट होते, भुक मंदावने, छातीत दुखणे, थुंकीतुन रक्त पडणे ही लक्षणे दिसुन आल्यास क्षयरोगाचा संशयीत रुग्ण समजावा तसेच थुंकी दुशीत क्षयरोग रुग्णाच्या सहवासात असणारे व्यक्ती, कुपोषीत, प्रतिकार शक्ती कमी असणारे व्यक्ती, मधुमेह असणारे व्यक्ती, दिर्घकालीन आजारी, वृध्द व्यक्ती, इत्यादींना क्षयरोग आजार होण्याची शक्यता असते.
संपूर्ण देशात दररोज 5000 लोकांना क्षयरोगाची लागण होते. आणि दर दिड मिनीटाला एका व्यक्तीचा क्षयरोगाने मृत्यू होतो. तरुण व कमावत्या वर्गामध्ये या रोगाची लागण मोठया प्रमाणावर आढळून येते.
क्षयरोगाचे निदान झाल्यानंतर उपचारावर येणाऱ्या रुग्णास दर महा 500 रुपये DBT स्वरुपात निक्षय पोषण योजनाद्वारे औषधोपचार पुर्ण होईपर्यंत देण्यात येतात. जेणेकरुन रुग्णांनी चांगले पोष्टीक आहार प्राशन करावा. सन 2019 या कालावधीमध्ये जिल्हयामध्ये एकून 1822 क्षयरुग्ण शोधुन काढण्यात आले व त्यांना औषधोचार करण्यात आला. सदर कालावधीतील कामाकरीता गडचिरोली जिल्हा संपुर्ण राज्यामध्ये प्रथम क्रमांक आला असुन गौरविण्यात आले.
राष्ट्रीय क्षयरोग दुरीकरण कार्यक्रमाअंतर्गत सर्व क्षय रुग्णांना त्यांच्या वजना नुसार मोफत औषधोपचार पुरविल्या जातो. तसेच टिबीच्या निदानासाठी जिल्हा क्षयरोग येथे एलईडी सुक्ष्मदर्शी ( LED Microscope) अत्याधुनिक यंत्र व सिबीनॅट ( CBNAAT) यंत्र उपलब्ध झाले असुन सिबीनॅट यंत्राद्वारे निदान अवघ्या दोन ते तीन तासात करणे शक्य झालेले आहे. क्षयरोग निदानाकरीता उपलब्ध असलेल्या या उपचार पध्दतीचा लाभ घेऊन गडचिरोली जिल्हयाला भविष्यात क्षयरोग मुक्त करण्याचे आवाहन 24 मार्च या जागतिक क्षयरोग दिनी जिल्हा क्षयरोग नियंत्रण समितीच्या वतीने जिल्हाधिकारी, दीपक सिंगला, मुख्य कार्यकारी अधिकारी कुमार आशिर्वाद , जिल्हा आरोग्य अधिकारी ,डॉ. शशिकांत शंभरकर, जिल्हा शल्य चिकित्सक ,डॉ. अनिल रुडे, तसेच जिल्हा क्षयरोग अधिकारी , डॉ. सचिन हेमके यांनी केले आहे.
24 मार्च 2021 जागतिक क्षयरोग दिनाचे घोषवाक्य पुढील प्रमाणे आहे.
'' The Clock is Ticking ! ''
'' वेळ निघुन जात आहे क्षयरोग उच्याटन उद्दिष्ठ गाठण्याची.''
टिप्पण्या
टिप्पणी पोस्ट करा