गटई कामगारांना पत्र्याचे स्टॉल वाटप योजना.

गडचिरोली : - दि.18: गटई कामगारांना पत्र्याचे स्टॉल वाटप करणे या योजनेअंतर्गत गटई कामगारांना 100 टक्के अनुदान तत्वावर पत्र्याचे स्टॉल व रु. 500/- इतक रोख अनुदान देणे . या योजनेअंतर्गत लाभार्थ्यांचे पात्रतेचे निकष पुढील प्रमाणे आहेत.

       

अर्जदार हा महाराष्ट्र राज्याच्या रहिवासी व अनुसूचित जातीचा असावा. व गटई कामगार असावा, अर्जदाराच्या कुटूंबाचे वार्षिक उत्पन्न हे ग्रामीण भागात रु. 40,000/- व शहरी भागात रु.50,000/- पेक्षा अधिक नसावे .(यासाठी तहसिलदाराने निर्गमित केलेले उत्पन्नाचे प्रमाणपत्र आवश्यक राहील) , अर्जदाराचे वय 18 वर्षापेक्षा कमी नसावे, अर्जदार ज्या जागेत स्टॉल मागत असेल ती जागा ग्रामपंचायत , नगरपालीका, छावणी बोर्ड, (कॅन्टॉन्मेंट बोर्ड ) किंवा महानगरपालीका यांनी त्यास भाडयाने,कराराने, खरेदीने अगर मोफत परंतू अधिकृतरित्या ताब्यात दिलेली असावी किंवा ती त्याच्या स्वमालकीची असावी. 

      

अधिक माहितीकरीता व अर्जाकरीता सहाय्यक आयुक्त, समाज कल्याण गडचिरोली डॉ.बाबासाहेब आंबेडकर सामाजिक न्याय भवन गडचिरोली कार्यालयाशी संपर्क करण्यात यावा. असे आवाहन केले आहे.