आदिवासी समाजाच्या उन्नतीसाठी सर्वानी एकत्र येणे गरजेचे -अहेरी पं.स सभापती भास्कर तलांडे यांचे प्रतिपादन

दामरंचा येथे आदिवासीचे आराध्यदैवत रावण मंडावी पूजन कार्यक्रम

गडचिरोली/अहेरी :- अहेरी तालुक्यातील अतिदुर्गम दामरंचा भंगारामपेठा येथे आदिवासी गोटुल समिती कडून विजयदशमी निमित्ताने आदिवासीचे आराध्य दैवत लंकापती रावण मंडावी  यांचे कार्यक्रम साजरे करण्यात आले. सर्वप्रथम आदिवासी क्रांतीकारी वीर बाबूराव शेडमाके, बिरसा मूंडा, यांच्या प्रतिमेला पुष्पहार घालून पूजा अर्चाना करण्यात आले व त्यानंतर पुढील कार्यक्रम घेण्यात आले.

यावेळी उदघाटन स्थानावरून पंचायत समितीचे सभापती श्री.भास्कर तलांडे म्हणाले आज आपण विजयदशमी महोत्सव व लंकापती रावण मंडावी यांची कार्यक्रम साजरी करत आहोत, त्यानिमित्तने सर्व समाज घटक एकत्रित आलो असून समाजचे उन्नतीसाठी व  सर्वांगीण  विकासासाठी एकत्र राहून काम केल्यास निश्चित विकास होईल, त्यासाठी सर्वानी एकत्र येणे गरजेचे असल्याचे प्रतिपादन केले.

यावेळी श्री.सत्यनारायण कोडापे,श्री.राहुल पोरतेट, यांनी सुध्दा उपस्थितीत आदिवासी बांधवाना सखोल मार्गदर्शन केले.

या कार्यक्रमाच्या अध्यक्ष म्हणून माजी प.स.सभापती तथा विद्यमान प.स.सदस्या सौ.सुरेखा आलाम होत्या. तसेच यावेळी मंचावर अनिल मडावी, सौ.वनोजा कोरेत, प्रमोद कोडापे, नामदेव पेंदाम, रमेश गावडे, लक्ष्मण कोडापे, महेश मडावी, संतोष सिडाम, श्रीनिवास पेंदाम, गंगाराम गावडे आदि होते.

या कार्यक्रमाचे प्रस्ताविक श्री.जिलकरशाही मडावी यांनी केली, तर संचालन श्री.बापू आत्राम व आभार महेश मडावी  यांनी केली. यावेळी परिसरातील  बहुसंख्य आदिवासी महिला व पुरुष उपस्थित होते.