TIMES OF GADCHIROLI

हाती येणारे उरले सुरले पिकही गेल्याने शेतकऱ्यांवर दुःखाचे कोसळले डोंगर. गडचिरोली : - जिल्ह्यात २० नोव्हेंबर च्या रात्री आलेल्या अवकाळी पावसामुळे शेतकऱ्यांचे कापणी केलेले पीक पावसात सापडल्याने तसेच वाहून गेल्याने हात येणारे उरले-सुरले पीकही गेले असून शेतकऱ्यांवर मोठा दुःखाचा डोंगर कोसळला आहे. त्यामुळे शासनाने  पावसात सापडलेल्या व वाहून गेलेल्या  पिकांचे तातडीने पंचनामे करून शेतकऱ्यांना आर्थिक मदतीचा हात द्यावा अशी मागणी गडचिरोली विधानसभा क्षेत्राचे आमदार डॉक्टर देवरावजी होळी यांनी शासनाला केली आहे. यावर्षी शेतकऱ्यांवर होत असून अवकाळी पाऊस महापूर वादळवारा नंबर आलेली रोगराई यामुळे अगोदरच अधिकांश पिके नष्ट झालेली आहेत त्यातच शेतकऱ्याने मोठ्या काळजीने जपून वाचवलेली पिके कालच्या पावसाने उद्ध्वस्त झाले त्यामुळे हाती येणारे पीक सुद्धा नष्ट झाल्याने शेतकरी मोठ्या आर्थिक संकटात सापडलेला आहे त्यामुळे शासनाने शेतकऱ्यांना मदतीचा हात द्यावा नुकसान झालेल्या पिकांचे तातडीने पंचनामे करून नुकसान भरपाई द्यावी अशी मागणी गडचिरोली विधानसभा क्षेत्राचे आमदार डॉक्टर देवरावजी  होळी या...

गडचिरोली/एटापल्ली : - दिनांक २१/११/२०२० ला  व्यापारी संघटना तर्फे स्टेट बँक ऑफ इंडिया एटापल्लीला संघटने तर्फे निवेदन देण्यात आला. आपल्या बँकेत ५० ते ७० किमी अंतरावरुन लोक येत असतात, त्यांची श्रावण बाल योजना, निराधार योजना व गरीब लाभार्थी या बँकेत येतात. परंतु येथील कर्मचारी इंटरनेटचा कारण किंवा बँकेत पैसे नसल्याचे कारण सांगत लोकांना वापस  पाठवीत असतात. शाखेचे  व्यवहार बंद दिसत असल्याने  नागरिकांना परत जावे लागतो. दिवाळीच्या काळात स्टेट बँकेची शाखा पूर्णपने  बंद असल्याने संपूर्ण तालुक्याला दिवाळी काडोक्यात काढावे लागला.  तरी पुढील १० दिवसात इंटरनेटचि व्यवस्था सुरळीत व  शाखेतल्या कर्मचाऱ्यांना पूर्तता करण्यात यावे. अन्यथा ११व्या दिवशी स्टेट बँक ऑफ  इंडिया, एटापल्लीला ताला ठोकावे लागेल असे निवेदन शाखा प्रबंधक, मा जिल्हाधिकारी गडचिरोली, मा उपविभागीय  अधिकारी-एटापल्ली, मा उपविभागीय पोलीस अधिकारी, एटापल्ली यांना निवेदन  देण्यात आले.

मुुंबई : - संयुक्त महाराष्ट्राच्या लढ्यातील हुतात्मा महाराष्ट्रवीरांना आजच्या ‘महाराष्ट्र राज्य हुतात्मा स्मृतीदिना’ निमित्त मी भावपूर्ण वंदन करतो. संयुक्त महाराष्ट्राच्या लढ्यात योगदान दिलेल्या सर्वांच्या त्यागाबद्दल कृतज्ञता व्यक्त करतो. मुंबईसह संयुक्त महाराष्ट्र राज्य स्थापन झालं पाहिजे ही सर्व महाराष्ट्र प्रेमींची इच्छा होती. राज्यातील जनतेनं एकजुटीनं, प्राणपणानं लढून ती इच्छा पूर्ण केली. संयुक्त महाराष्ट्राचा लढा महाराष्ट्राचा गौरवशाली, प्रेरणादायी इतिहास असून सीमाभागातील मराठीभाषक गावांसह संयुक्त महाराष्ट्र स्थापनेचं अपूर्ण स्वप्न पूर्ण करण्यासाठी त्यातून बळ मिळेल. संयुक्त महाराष्ट्राच्या लढ्यातील हुतात्मा वीरांना विनम्र अभिवादन.

गडचिरोली : - दि.21:  आज जिल्हयात 119 नवीन बाधित आढळून आले. तर आज 38 जणांनी कोरोनावर मात केल्याने त्यांना रूग्णालयातून घरी सोडण्यात आले. यामुळे जिल्हयातील आत्तापर्यंत बाधित 7325 पैकी कोरोनामुक्त झालेली संख्या 6657 वर पोहचली. तसेच सद्या 593 सक्रिय कोरोना बाधितांवर उपचार सुरू आहेत. आत्तापर्यंत जिल्हयात एकुण 75 जणांचा मृत्यू कोरोनामुळे झाल्याची नोंद आहे. आज जिल्हयातील कोरोना रूग्ण बरे होण्याचे प्रमाण 90.88 टक्के, सक्रिय रूग्णांचे प्रमाण 8.10 टक्के तर मृत्यू दर 1.02 टक्के झाला. नवीन 119 बाधितांमध्ये गडचिरोली 57, अहेरी 8, आरमोरी 1, भामरागड 1, चामोर्शी 9, धानोरा 4, एटापल्ली 6, कोरची 1, कुरखेडा 15, मुलचेरा 2, सिरोंचा 4  व वडसा येथील 11 जणांचा समावेश आहे.  आज कोरोनामुक्त झालेल्या 38 रूग्णांमध्ये गडचिरोली 17, अहेरी 3, आरमोरी 6, भामरागड 2, चामोर्शी 3, धानोरा 1, एटापल्ली 2, मुलचेरा 2, सिरोंचा 0, कोरची 0,  कुरखेडा 0 व वडसा मधील 2 जणाचा समावेश आहे. नवीन बाधितामध्ये गडचिरोली तालुक्यातील सीआरपीएफ 1, आयटीआय चौक 1, कॅम्प एरिया 2, टेंभा 1, आराध्यानगर 1, तिरुपती कॉम्पलेक्स ...

मुंबई : -  दि.21  महाराष्ट्र राज्य हुतात्मा स्मृती दिनानिमित्त मुख्यमंत्री उध्दव ठाकरे यांनी हुतात्मा चौक येथील हुतात्म्यांच्या पवित्र स्मृतीस पुष्पांजली अर्पण करून आदरांजली वाहिली. यावेळी गृह मंत्री अनिल देशमुख, पालकमंत्री अस्लम शेख, पर्यावरण मंत्री आदित्य ठाकरे, राजशिष्टाचार राज्य मंत्री अदिती तटकरे,  महापौर किशोरी पेडणेकर, मुख्य सचिव संजय कुमार, बृहन्मुंबई महापालिका आयुक्त इक्बालसिंग चहल, मुंबई शहर जिल्हाधिकारी राजीव निवतकर आदी मान्यवर उपस्थित होते.  मुंबईसह संयुक्त महाराष्ट्र राज्याच्या निर्मितीसाठी मराठी जनतेने सर्वस्व पणाला लावून लढा दिला. या लढ्यात 107 हुतात्म्यांनी आपले प्राणार्पण केले. संयुक्त महाराष्ट्राच्या या लढ्यातील हुतात्म्यांच्या स्मृतीला अभिवादन करण्यासाठी 21 नोव्हेंबर हा दिवस महाराष्ट्र राज्य हुतात्मा स्मृती दिन म्हणून पाळला जातो.

दिक्षा झाडे- तालुका प्रतिनिधी-एटापल्ली गडचिरोली/एटापल्ली : - स्थानिक टायगर ग्रुप एटापल्ली यांच्या तर्फे गरीब गरजू लोकांना दिवाळी फराळाचे वाटप करण्यात आले. टायगर ग्रुप संस्थापक अध्यक्ष पै.जालिंदरभाऊ जाधव व टायगर ग्रुप राष्ट्रीय अध्यक्ष पै.तानाजीभाऊ जाधव यांच्या आदेशानुसार टायगर ग्रुप गडचिरोली युवा नेतृत्व जिल्हाप्रमुख सदस्य पै. दीपक बारसागडे यांच्या मार्गदर्शनाखाली टायगर ग्रुप एटापल्ली तर्फे सामाजिक उपक्रम म्हणून गरीब गरजू जे लोक आपल्या घरी दिवाळी साजरी करू शकत नाही अशा परिवारा सोबत फराळ वाटप करून दिवाळी साजरी केली. समाजात काही अडचणी असल्यास आम्ही त्याचे निवारण करू व संघटनेचे ब्रीदवाक्य "हाक तुमची, साथ आमची" याच प्रमाणे आम्ही समाज उपयोगी काम करू, ज्यांना कुणाला मदत लागेल त्यांंनी संपर्क करावा नक्की आम्ही मदतीला धावून येऊ. तसेच हा कार्यक्रम घेण्याचा एकच उदेश जे गरीब गरजू लोक ज्यांंच्या नशिबी दोन वेळचं अन्न सुध्दा नसतो अश्या समाजा सोबत आपण त्यांचा परिवाराचा एक हिस्सा बनून त्यांचा चेहऱ्यावर आनंद राहावे म्हणून आमच्या संघटने कडून हा उपक्रम राबविण्यात येत आहे. भविष्यात ...

गडचिरोली  : - दि.20: दिवंगत माजी पंतप्रधान इंदिरा गांधी यांच्या जयंतीचा कार्यक्रम उपमुख्य कार्यकारी अधिकारी (सा.प्र.)फरेंन्द्र कुतीरकर यांच्या अध्यक्षतेखाली डॉ.बाबासाहेब आंबेडकर सभागृह जिल्हा परिषद, गडचिरोली येथे विविध विभागातील अधिकारी व कर्मचारी यांच्या उपस्थितीत दि. 19 नोव्हेंबर 2020 ला सकाळी ठिक 11.00 वाजता पार पाडला. यावेळी उपस्थितांना क.प्र.अ. नरेश कनोजिया यांनी सामूहिकरित्या 'राष्ट्रीय एकात्मता' ची शपथ दिली. या कार्यक्रमास जिल्हा परिषदेचे क.प्र.अ. धनंजय दुम्पेट्टीवार, क.प्र.अ. नरेश कनोजिया, राजेश कंगाले, गिरीश बुद्धावार, नेताजी पुसाम, अमित कवाडघरे, श्रीमती मडावी, श्रीमती सुनिता आत्राम, श्रीमती राजुरवार, श्रीमती प्रिती निमजे आदी उपस्थित होते. या कार्यक्रमाचे संचालन नरेश कनोजिया क.प्र.अ. (सा.प्र.वि.) जिल्हा परिषद, गडचिरोली यांनी केले. असे उप मुख्य कार्यकारी अधिकारी (सा.प्र.) जिल्हा परिषद, गडचिरोली यांनी कळविले आहे.