सन 2021-22 या शैक्षणिक वर्षाकरीता मॅट्रिकोत्तर शिष्यवृत्ती अर्ज भरण्यासाठी महाडिबीटी संकेतस्थळ सुरु.

गडचिरोली,दि.30: अनुसूचित जाती, विमुक्त जाती व भटक्या जमाती, इतर मागासवर्ग व विशेष मागास प्रवर्गातील विद्यार्थ्यांना भारत सरकार शिष्यवृत्ती अंतर्गत मॅट्रिकोत्तर शिष्यवृत्ती या योजनेचा लाभ घेण्यासाठी विद्यार्थ्यास विभागाच्या https://mahadbtmahait.gov.in या पोर्टलवर ऑनलाईन अर्ज करणे आवश्यक आहे. सन 2021-22 मध्ये प्रवेशित सर्व मागासवर्गीय विद्यार्थ्यांनी महाडिबीटीच्या संकेतस्थळावर ऑनलाईन भरण्याची सुविधा माहिती तंत्रज्ञान विभागामार्फत उपलब्ध करुन देण्यात आली आहे.

सामाजिक न्याय व विशेष सहाय्य विभागामार्फत विविध शिष्यवृत्ती योजना राबविण्यात येतात. महाडीबीटी संगणकीय प्रणालीत सन 2021-22 या शैक्षणिक सत्रासाठी भारत सरकार शिष्यवृत्ती अंतर्गत अर्ज नुतनीकरणासाठी दि.4 जानेवारी 2022 व नवीन अर्ज भरण्यासाठी दि.9 जानेवारी 2022 अंतिम मुदत शासनातर्फे देण्यात आलेली आहे.

सामाजिक न्याय विभागाच्या योजना, अर्ज करण्याची निकष व अटी सदर संकेतस्थळावर उपलब्ध करुन दिलेले आहे. सर्व महाविद्यालयीन विद्यार्थ्यांनी विहित वेळेत अर्ज सादर करावे असे आवाहन प्रादेशिक उपायुक्त, समाज कल्याण विभाग, नागपूर सिद्धार्थ गायकवाड हे करीत आहे.