25 एप्रिल ला जिल्हयात जागतिक हिवताप दिन साजरा होणार.
गडचिरोली जिल्हयात प्लाझमोडीअम वायव्हॅक्स व प्लाझमोडीअम फाल्सीफॅरम हे दोन प्रकारचे जंतु दिसून येतात. यात प्लाझमोडीअम फाल्सीफॅरम मृत्युस कारणीभूत असते. जिल्हयाची भौगौलिक स्थिती जंगल , नदी , नाले, व उष्ण वातावरण हिवतापाच्या प्रसारास कारणीभूत आहे. तसेच ग्रामीण भागात ताप आल्यास आरोग्य केंद्रात न जाता मांत्रिक पुजारी ,वैदू यांच्याकडे जाऊन उपचार केल्यामुळे हिवतापाचे निदान होऊ शकत नाही.
गडचिरोली जिल्हयात सन 2017 मध्ये 598160 रक्त नमुन संकलीत करण्यात आले. त्यात 5484 रक्त दुषित आढळून आले. व 5 हिवतापाने मृत्यु झाले, 2018 मध्ये 559296 रक्त नमुने संकलीत करण्यात आले होते. त्यात 2584 रक्त नमुन दुषित आढळून आले व 3 हिवतापाने मृत्यु झाले. 2019 मध्ये 607810 रक्त नमुन संकलीत करण्यात आले होते. त्यात 2428 रक्त नमुने दुषित आढळून आले. व 1 रुग्णाचा मृत्यु झाला. 2020 मध्ये 661169 रक्त नमुन संकलीत करण्यात आले. 6485 रक्त नमुने दुषित आढळून आले. त्यात 6 रुग्णांचा मृत्यु झाला व 2021 मार्च अखेर 316140 रक्त नमुन संकलीत करण्यात आले. त्यात 1021 रक्त नमुने दुषित आढळून आले व 2 रुग्णांचा मृत्यु झाला.
हिवताप आजार हा प्लाझमोडिअम परोपजिवी जंतु मुळे होतो व या आजाराचा प्रसार एनाफिलीस डासाच्या मादी मार्फत होतो. हिवतापाचे जंतु असलेल्या माणसाला डास चावून इतराना प्रसार करतो म्हणून या कोरोणाच्या संकटकालीन परिस्थितीत डासाच्या उत्पत्ती होऊ नये यासाठी नागरिकांनी खबरदारी घ्यावी. थंडी वाजून येणारा ताप डोके दुखी, अंग दुखी ही हिवतापाचे सर्वसाधारण लक्षणे आहेत. तरी पण कोणत्याही ताप हा हिवताप असु शकतो असे गृहित धरुन वरील निदान झाल्यास हिवताप हा पूण बरा होऊ शकतो यासाठी हिवतापासाठी रक्त तपासणी करावी व जंतु च्या प्रकारानुसार औषधी घ्यावे. व नियमित मच्छरदाणीचा वापर करावा असे आवाहन जिल्हा हिवताप अधिकारी डॉ.कुणाल मोडक यानी केले आहे.
टिप्पण्या
टिप्पणी पोस्ट करा